29 Кулун тутар 29.03
  • -14°
  • $ 92,26
  • 99,71

Горнайга «Сокол-1» күннээтэ

18:20, 17 февраля 2016
Текст:
Читайте нас на
Яндекс Новости
ЯДВ

«Горнай улууһа тэриллибитэ 85 сылыгар анаммыт улуустааҕы «Снежный барс» XII-с байыаннай-спортивнай оонньуу бу күннэргэ Киров нэһилиэгэр ыытылынна. Болҕомтону тардар тэрээһин үүнэр көлүөнэни төрөөбүт дойдуларын таптыырга, чэгиэн, чөл олоҕу өрө тутарга иитэр-үөрэтэр сыаллаах-соруктаах ыытыллар. Бэлиэ даатаҕа анаммыт оонньууга Дьокуускайдааҕы кадеттары иитэр-үөрэтэр оскуола-интернаттан капитан Алексей Рафаилов, лейтенант Николай Степанов, прапорщик Анатолий Николаев ыҥырыллан судьуйалаатылар», — диир улуус дьаһалтатын испэсэлииһэ Айталина Санникова.


Кини кэпсээбитинэн, икки күн устата ыытыллыбыт оонньууга уон оскуолаттан 154 үөрэнээччи кыттыбыт. Маныаха оҕолор бэлэмнэниилэрэ сыллата тупсан, күрэхтэһии сытыырхайан иһэрэ бэлиэтэммит. Илин-кэлин түсүһүүлээх, кытаанах эрийсиилээх сытыы киирсии түмүгүнэн, Киров оскуолатын «Сокол-1» байыаннай-патриотическай кулуубун хамаандата бастаабыт.

Ол курдук, сэрии сэбин хомуйууга бастыҥ көрдөрүүлэнэн «Лучший по разборке и сборке автомата Калашникова» диэн анал ааты «Сокол-1» хамаанда чилиэннэрэ Павел Марков, Сайаана Данилова ылбыттар. «Бастыҥ ытааччы» эмиэ бу хамаандаттан Сайаана Данилова уонна Павел Павлов буолбуттар. «Лучший по снаряжению магазина патронами» Рузита Капитонова («Сокол-2»), Василий Кириллов («Сокол-1») ылбыттар. 1000 м. сүүрүүгэ «Сокол-1» оҕолоро Вероника Дьячковская, Павел Макаров күннээбиттэр. Катя Алексеева («Ирбис», Кэптин), Иннокентий Максимов («Мохсоҕол», Бэрдьигэстээх) бастыҥ бэлэмнээхтэрин көрдөрөн, анал аат хаһаайыттарынан буолбуттар. Вероника Дьячковская, Алгыс Захаров, Кыдана Попова («Сокол-1»-нар) — «Лучший по основам радиосвязи»; Влада Кузнецова («Мохсо5ол»), Алгыс Захаров («Сокол-1») «Строевой бэлэмнэнии бастыҥнарынан» ааттаммыттар. «Рысь-2» хамандыырыгар Алексана Оленоваҕа (Маҕаны, 6-с кыл. үөрэнээччитэ) «Бастыҥ хамандыыр» аата туттарыллыбыт. Дьокуускайдааҕы кадеттар оскуола-интернаттарын анал бириистэрэ «Рысь-2» (Маҕаны), «Сокол-4» (Киров) саамай кыра саастаах кыттааччыларыгар бэриллибит. Киров нэһилиэгин олохтоохторо А.И. Дьячковскай аатынан анал бирииһи Серафима Капитоноваҕа («Сокол-1»), Прокопьевтар дьиэ кэргэн туруорбут анал бириистэрин Кэптинтэн кыттыбыт «Ирбис» хамаанда чилиэнигэр Коля Андреевка анаабыттар.

Кыайыылаах «Сокол-1» хамаанда Бүлүүгэ ыытыллыахтаах өрөспүүбүлүкэтээҕи  күрэхтэһиигэ кыттар быраабы ылла.

Следите за самым важным и интересным в Telegram-канале и WhatsApp-группе ЯСИА