17 Тохсунньу 17.01
  • -48°
  • $ 73,82
  • 83,32

Горнайдар бастыҥ устудьуоннарга Семен Данилов аатынан стипендия туттардылар

09:16, 08 февраля 2016
Текст:

Дьокуускайга ыытыллыбыт «Горнай» түмсүү Күннэригэр улууспут биэс бастыҥ устудьуонугар Семен Петрович Данилов аатынан стипендияны баһылык Никита Андреев туттарда.

Ол курдук, сыл түмүгүнэн үөрэххэ, научнай чинчийэр, уопсастыбаннай үлэҕэ, спорка үчүгэй көрдөрүүлээх устудьуоннарынан Вероника Алексеева (Маҥаны), Борис Сидоров (Маалтааны), Алевтина Александрова (Мытаах), Наида Устарханова, Мария Семенова (Бэрдьигэстээх) ааттаннылар.

AMR_5167

Наҕараадаламмыттары билиһиннэрэбит:

Вероника Алексеева, ХИФУ инженернэй-техническэй институтун үһүс кууруһун устудьуона. ХИФУ профкомун көхтөөх кыттыылааҕа. Маны таһынан нэһилиэгэр, үөрэнэр кыһатыгар ыытыллар тэрээһиннэргэ көхтөөхтүк кыттар.

Борис Сидоров, Чурапчытааҕы государственнай спорт уонна физкультура институтун үһүс кууруһун устудьуона. Кини бу кэккэ сылларга боксаҕа үгүс ситиһиилэрдээх. Ол курдук, «Динамо» общество Бүтүн Россиятааҕы күрэхтэһиитин кыайыылааҕа.

Алевтина Александрова, ХИФУ РФ Хотугулуу-Илиҥҥи омуктар тылларын уонна культураларын институтун төрдүс кууруһун устудьуона.

Наида Устарханова, Амурскайдааҕы медицина академиятын эмтиир, чэбдигирдэр факультетын VI кууруһун туйгун устудьуона.

Мария Кривошапкина, Санкт-Петербургдааҕы Гражданскай авиация государственнай университетын үһүс кууруһун устудьуона.

AMR_5166

Чиэстэммит устудьуоннарбытыгар сылга биирдэ бэриллэр Семен Данилов аатынан 5000 тыһ. солк. стипендияны туттардылар.

Общественнай үлэни, үөрэҕи дьүөрэлии туппут бастыҥ устудьуон дьоммутугар, инникитин өссө да үрдүк кирбиилэри, саҥа саҕахтары дабайалларыгар баҕарыаҕыҥ!

0
0
17 января 17.01
  • -48°
  • $ 73,82
  • 83,32