29 Кулун тутар 29.03
  • -14°
  • $ 92,26
  • 99,71

Горнай улууһун баһылыга Никита Андреев: 21-с Манчаары Оонньууларыгар үөһээ бүлүүлэр ситиһиилэрин хатылыахпыт

10:32, 10 июля 2017
Читайте нас на
Яндекс Новости
ЯДВ

Үөһээ Бүлүүгэ от ыйын 9 күнүгэр Манчаары Оонньууларын уота умуруорулунна. Уот аны түөрт сылынан Горнай улууһун Бэрдьигэстээҕэр уматыллыа. Муниципалитет баһылыга Никита Андреев этэринэн, тэрээһин таһыма, быйыл үөһээ бүлүүлэр көрдөрбүттэринээҕэр, намтыа суоҕа. 


«21-с Манчаары Оонньуулара биһиги улууспутугар ыытыллыаҕа. Олус үөрэбит. Үөһээ Бүлүү сэлиэнньэтигэр ыытыллыбыт оонньуу тэрээһинин таһыма биһигини сөхтөрдө. Биһиги эмиэ маннык үрдүктүк ыытыахпыт диэн эрэнэбин. Түөрт сыл анараа өттүгэр Үөһээ Бүлүү хамаандата спорт национальнай күрэхтэһиилэригэр бастыҥнар ортолоругар киирбэтин бары да билэрбит. Ол эрэн билигин оннооҕор буулдьанан ытыыга инники күөҥҥэ таҕыстылар. Онон быйылгы күрэхтэһии хаһаайыттарын кистэлэҥнэрин билиэхпит уонна ону ситиһэргэ дьулуһуохпут«, — диэтэ СИА-ҕа Никита Андреев.

Санатар эбит буоллахха, 2010 сыллаахха Горнай улууһугар Олоҥхо ыһыаҕа тэриллибитэ. Олус үрдүк тэрээһиннээхтик ааспыта. Баһылык улууһун дьоно-сэргэтэ билигин даҕаны Манчаары Оонньуулара ыытылларыгар күүскэ турунарыгар эрэллээх. Аны түөрт сылынан тустуук, Олимпийскай оонньуулар кыттыылаахтара, Горнайтан төрүттээх Герман Контоев 50 сааһын туолар. 21-с Манчаары Оонньууларыгар биллиилээх биир дойдулаахтарын горнайдар чиэстиир былааннаахтар.

Следите за самым важным и интересным в Telegram-канале и WhatsApp-группе ЯСИА