27 Ыам ыйа 27.05
  • -7°
  • $ 104,68
  • 115,6

Горнай үбүлүөйүгэр бастыҥнары бэлиэтээтилэр

Горнай улууһа төрүттэммитэ 90 сылынан, улуус дьаһалтата үтүө үгэс быһыытынан “Эйэ” скверигэр бастыҥ үөрэнээччилэри, тэрилтэлэри үөрүүлээх быһыыга-майгыга наҕараадалаата.


Улуус баһылыга Никита Андреев тыыл бэтэрээннэригэр уонна сэрии кэмин оҕолоругар дьиэлэрин-уоттарын тупсарыыга улуус уонна нэһилиэк бүддьүөтүттэн көрүллэр биир кэмнээх материальнай көмөнү 100 тыһ солк суумалаах сертификаттары тутарда. Кинилэри сэргэ 4-с уонна 6-с оҕолорун оҕоломмут дьиэ кэргэттэргэ ньирэй ылалларын туоһулуур сертификаттары туттарда.

Горнай улууһун депутаттарын Сэбиэтин бэрэссэдээтэлэ Алквиад Тарасов оҕо иитиитигэр уһулуччу ситиһиилээх, улуус уопсастыбаннай олоҕор сүҥкэн кылааттаах, холобур буолар бастыҥ дьиэ кэргэттэрин эҕэрдэлээтэ. “Улуус бастыҥ ыалларын Бочуотун кинигэтигэр” киирбиттэрин туоһулуур сибидиэтэлистибэри туттарда.

«Сыл бастыҥ кылааһа” куоҥкурус түмүгүнэн алын сүһүөх кылаастарга Афанасий Осипов аатынан Бэрдьигэстээх орто оскуолатын IV “а” кылааһа (кыл. сал. Оксана Хурда) 70 000 солк., орто сүһүөх кылаастарга Лука Харитонов аатынан Маҕарас орто оскуолатын VII кылааһа (кыл. сал. Мотрена Саввинова) 80 000 солк., үрдүкү кылаастарга Бэрдьигэстээх улуустааҕы гимназиятын IX кылааһын үөрэнээччилэрэ (кыл. сал. Виктория Попова) 300 000 солк. наҕараадаланнылар, суруйда Аэлита Андреева https://www.instagram.com/gornynews/

Следите за самым важным и интересным в Telegram-канале и WhatsApp-группе ЯСИА
0
0