19 От ыйа 19.07
  • 14°
  • $ 87,88
  • 96,1

Үгүлээккэ Аһымаах аартыгар венок уурдулар

11:41, 09 мая 2016
Текст:
Читайте нас на
Яндекс Новости
ЯДВ

Бүлүү улууһун Үгүлээтин Аһымаах аартыгыттан эр дьону сэриигэ атаарбыттара. Кыайыы күнүн көрсө ол миэстэҕэ оҕолоро, сиэннэрэ тиийэн сибэкки уурдулар.


Үгэскэ кубулуйбут тэрээһиҥҥэ сылын аайы бэтэрээннэр кыттыылара, хомойуох иһин, аҕыйаан иһэр. «Былырыыҥҥытааҕар киһи аҕыйах соҕус, ол да буоллар бэркэ ааста. Тыыл бэтэрээннэрэ доруобуйаларын туругунан кыайан барсыбатылар», — диэн кэпсииллэр олохтоохтор.

Сэрии тулаайахтара Анастасия Мандарова уонна Николай Алексеев ааспыт оҕо саастарын ыар кэмин санаатылар.

Былырыын бу сиргэ сэриигэ барбыт буойуттарга аналлаах өйдөбүнньүк Бэлиэ туруоруллубут. Онно оҕолоро, сиэннэрэ, хос сиэннэрэ, биир дойдулаахтара тиийэн буойуттар сырдык ааттарын ааттаатылар, кинилэргэ махталларын биллэрдилэр.

Следите за самым важным и интересным в Telegram-канале и WhatsApp-группе ЯСИА