Футболга соҕотох аан дойду үс төгүллээх чемпиона Пеле 83 сааһыгар олохтон туораата. Бразилия «нападающайа» историяҕа футбол хоруолун быһыытынан киирбитэ, киниэхэ хас да рекорд баар.
Өлүүтүн биричиинэтэ — ис уорганын аккаастааһына. Ол туһунан «Альберт Эйнштейн» клиника официальнай бюллетенигэр суруллар, ТАСС. ««Альберт Эйнштейн» клиника Пеле өлүүтүн бигэргэттэ — ахсынньы 29 күнэ, 15:27 чаас (21:27 мск. — ТАСС) ис уоргана мөлтөөн», — диэн суруллар иһитиннэриигэ.
