Ил Дархан Айсен Николаев физкультураҕа бастыҥ оҕо тренердэрэ уонна учууталлара биир кэмнээх бириэмийэ туталларын туһунан ыйаахха илии баттаата. «Спортивные якутяне» үөрэнээччилэр спартакиадаларыгар чемпионнары бэлэмнээбит түмүктэринэн сыаналаныахтара.
Биир кэмнээх төлөбүр кээмэйэ 100 000 солк. Билигин бэрээдэк таҕыста. «Спорт Якутии» иһитиннэрбитинэн, үбүлээһин уопсай суумата 3 100 000 солк.
Бириэмийэни спорт 29 көрүҥэр бэлэмнээбит тренердэр ылыахтара, ол иһигэр баскетбол уонна волейбол (уолаттар, кыргыттар).
