20 От ыйа 20.07
  • 19°
  • $ 88,02
  • 96,04

Евгений Чекин оҕоҕо куттал суоһаабатын хааччыйыы боппуруостарыгар сорудахтары таһаарда

15:06, 05 июля 2017
Текст:
Читайте нас на
Яндекс Новости
ЯДВ

Бырабыыталыстыба бэрэссэдээтэлэ Евгений Чекин от ыйын 4 күнүгэр оройуон дьаһалталарыгар оҕо доруобуйатыгар уонна олоҕор куттал суоһаабатын хааччыйыыга анал сорудахтары ыыталаата.


Евгений Чекин оҕо оһоллонуутун-дэҥнэниитин сэрэтэр үлэни ыыталларыгар улуус баһылыктарыгар эбии миэрэлэри ылалларыгар сүбэ биэрдэ. Чуолаан сокуоннай саастарын туола илик оҕолорго сыһыаннаах буруйу таһаарыыны суох оҥорууга, итиэннэ социальнай өттүнэн кутталы үөскэтиэн сөптөөх нэһилиэнньэ араҥата олорор сирдэрин бэрэбиэркэлииллэригэр сорудахтаата.

Оҕо сынньалаҥын уонна доруобуйатын чэбдигирдиигэ сокуон ирдэбиллэрин тутуһан дьаһаллары ылалларыгар, көҥүлэ суох сиргэ сынньалаҥы тэрийиини бопсоллоругар, оҕону тиэйиигэ-таһыыга куттала суох айаны хааччыйалларыгар эттэ.

Ордук болҕомтону ууттан сэрэхтээх буолууга ууралларыгар, чуолкай анал сөтүөлүүр сирдэринэн тэрийэллэригэр дьаһайда.

Премьер-миниистир ордук тоһоҕолоон баһаартан, уот барыытыттан сэрэхтээх буолалларыгар уураахтаата.

Кини бэлиэтииринэн, төһө да Россияҕа уонна Уһук Илиҥҥи региоҥҥа Саха сирин демографическай балаһыанньата үчүгэй көрдөрүүлээҕин иһин, эчэйии, сүһүрүү уонна да атын тас дьайыыттан оһоллонуу ахсаана 0-тан 17-тэ саастарыгар диэри оҕолор ортолоругар улаатар. Ааспыт сылга 14 оҕо уокка былдьаммыта, 2 оҕо ууга суорума суолламмыта, 7 оҕо айан суолугар сырдык тыыннара быстыбыта.

Следите за самым важным и интересным в Telegram-канале и WhatsApp-группе ЯСИА