Дьокуускайга Эпос уонна искусство Арктикатааҕы киинэ быйыл тутуута түмүктэнэн, эһиил 2025 сылга үлэҕэ киирэрэ былааннанар. Бу туһунан Ил Дархан Айсен Николаев РФ Бэрэсидьиэнэ Владимир Путины кытта көрсүһүү кэмигэр иһитиннэрдэ, суруйда Саха сирэ.
«Эпос уонна искусство Арктикатааҕы киинин уонна судаарыстыбаннай филармонияны бэйэбит тута сылдьабыт. Тутуу үлэтэ түмүктэнэн, эһиил үлэҕэ киириэҕэ», — диэтэ Айсен Николаев.
Арктикатааҕы киин Дьокуускайга, Уһук Илиҥҥэ эрэ буолбакка, бүтүн Арассыыйа үрдүнэн биир бөдөҥ култуура киининэн буолар. Иэнэ — 33 тыһ. кв. м.
