23 От ыйа 23.07
  • 20°
  • $ 87,78
  • 95,76

Ээйик, Дьэлиҥдэ, Харыйалаах сааскы биэрэпискэ кытталлар

14:02, 26 апреля 2021
Текст:
Читайте нас на
Яндекс Новости
ЯДВ

Муус устар ыйын 1 күнүттэн Бүтүн Арассыыйатааҕы нэһилиэнньэ биэрэпиһэ куһаҕан суоллаах-истээх, ыраах сытар нэһилиэктэргэ болдьоҕун иннинэ ыытылла турар. Өлөөн улууһун Ээйик, Дьэлиҥдэ, Харыйалаах нэһилиэктэригэр холбоон 1901 киһи биэрэпистэниэхтээх.


Эйиккэ 343 киһи, Дьэлиҥдэҕэ 703 киһи, Харыйалаахха 855 киһи баар.

Биэрэпис түмүгүнэн дьон ахсаана бу көрдөрүүттэн элбэх буоллаҕына, өссө үчүгэй буолуо этэ диэн баҕа санаалаахтарын тэрийээччилэр https://www.instagram.com/olenek_redsardana/ суруйдулар. Ол курдук, кытыы нэһилиэктэргэ Ээйиккэ биир, Дьэлиҥдэҕэ икки, Харыйалаахха үс бэрэпистээччи дьиэлэринэн кэрийэ сылдьан, хаһаайыстыбаҕа хас киһи баарын, сааһа суох оҕоттон саҕалаан, ыйытыыларга эппиэт хомуйаллар. Холобур, хаһаайыстыбаҕа хас оҕо, ол иһигэр хаһа оскуола үөрэнээччитэ, сааһын туола илик кыракый оҕо баарын, улахан дьон туох үлэһит буолалларын, идэлээхтэрин, олорор дьиэлэрин иэнэ төһө буоларын ыйыталлар.

Үс нэһилиэктэртэн бастакынан Ээйик үчүгэй көрдөрүлээх түмүктээтэ, ол курдук киһитин ахсаана 24 киһинэн эбиллибит.

Бүтүн Арассыыйа биэрэпиһэ улуус киинигэр бу дьыл атырдьах ыйыгар ыытыллыахтаах, суруда Саргылана Павлова.

Следите за самым важным и интересным в Telegram-канале и WhatsApp-группе ЯСИА