29 Кулун тутар 29.03
  • -14°
  • $ 92,26
  • 99,71

Үөһээ Бүлүүгэ окко маассабай тахсыы илик

15:04, 18 июля 2016
Текст:
Читайте нас на
Яндекс Новости
ЯДВ

СӨ бырабыыталыстыбатын 9 күнүнээҕи 85 №-дээх дьаһалыгар олоҕуран Үөһээ Бүлүү улууһугар 24 тыһ. тонна от былаана тиэрдиллибитэ. Ааспыт 2015 сыллааҕы былаан эмиэ итиччэ этэ. Онтон 23 327,5 т оттонон, былаан 97,2% туолбута.


2016 сылга оттооһун хампаанньатын тэрийии туһунан 139 №-дээх муус устар 4 күнүгэр улуус баһылыгын дьаһала тахсыбыта. Сонно тута бастайааннай суһал ыстаап тэриллэн үлэтин саҕалаабыта.

Бүгүҥҥү күҥҥэ оттооһун былаана нэһилиэнньэҕэ уонна хаһаайыстыбаларга тиэрдиллэн турар. «Нүөлсүтүү, ол эбэтэр ходуһаларга ууну хаайааһын былаан быһыытынан барда. Улуус үрдүнэн уопсайа 2485 га иэннээх ходуһа нүөлсүтүллэн турар. Ходуһалар орто үүнүүнү биэриэх туруктаахтар. Былаан быһыытынан барыта 682 техника уонна 3557 киһи от үлэтигэр тахсыахтаах. Оттон от ыйын 14 күнүнээҕи туругунан 26 техника уонна 175 киһи ходуһаҕа таҕыста. 126,8 га охсулунна, 27 т. от кэбиһилиннэ. Үрдүк сирдэргэ курааннаан уонна түүнүн салгына сөрүүн буолан, окко маассабай тахсыы буола илик», — диэн улуустааҕы тыа хаһаайыстыбатын департаменын агронома Алексей Саввинов иһитиннэрдэ.

Маны таһынан Россельхозкиинтэн анал исписэлиис кэлэн Далыр, Нам, Оҥхой, Хоро, Мэйик, Кырыкый, Сургуулук, Хомустаах уонна Маҥаас нэһилиэктэрин ходуһаларыгар аһыҥаны эмтээһини ыытта. Бу үлэ сайаапкалаах нэһилиэктэринэн тэрилиннэ.

Следите за самым важным и интересным в Telegram-канале и WhatsApp-группе ЯСИА