19 Тохсунньу 19.01
  • -48°
  • $ 73,82
  • 83,32

Үөһээ Бүлүү бастыҥ тиэргэннээх ыалынан Антоновтар буолаллар

10:15, 26 сентября 2016
Текст:

Бу күннэргэ 2016 сыллааҕы «Экология тиэргэнтэн саҕаланар» куонкурус улуустааҕы этаба түмүктэннэ. Балаһыанньанан тупсаҕай көстүүлээх, сиэдэрэй сибэккилэрдээх, мастаах киһи эрэ хараҕын үөрдэр үөрэх тэрилтэлэрэ, биирдиилээн тэрилтэлэр, уулуссалар, чааһынай ыаллар кытталлар.


Хас биирдии кыттааччы тэлгэһэтин хаартыскаҕа, видеоҕа түһэрэн дьүүллүүр хамыыһыйаҕа туттарда. Ол түмүгүнэн уонна илэ харахтарынан көрөн, сыаналаатылар.

Үөрэх тэрилтэлэрин икки ардыларыгар үһүс миэстэни Кэнтик орто оскуолата, иккиһи быйыл тэлгэһэтин тупсаҕайдык оҥостубут 6-с №-дээх «Солнышко» оҕо саада, оттон бастакы миэстэни Д.С. Спиридонов аатынан 4-с №-дээх орто оскуола ылыан ылла.

Тэрилтэлэргэ бастакы миэстэни ОДьКХ коллектива ылан үөрдэ-көттө. Чааһынай дьоҥҥо иккис миэстэни Люция, Виталий Спиридоновтар, оттон бастакы миэстэни Стелла, Александр Антоновтар дьиэ кэргэттэрэ ылан наҕараадаланнылар. Эдэр, кэскиллээх Антоновтар тэлгэһэлэрин олус тупсаҕайдык оҥостон, аныгылыы, сиэдэрэйдик туттан олороллорун анал хамыыһыйа көрөн, итэҕэтиилээхтик бастакы миэстэни анаата.

Миэстэлэспиттэргэ баһылык Владимир Поскачин дьаһалынан харчынан бириэмийэлэри анаатылар. Салгыы миэстэлэспит үлэлэри өрөспүүбүлүкэтээҕи«Экология тиэргэнтэн саҕаланар» куонкуруска ыыталлар, ол түмүгэ алтынньыга биллиэҕэ.

Василий Титов, улуустааҕы Айылҕа харыстабылын начальнига:

Балаһыанньа нэһилиэктэринэн тарҕаммыта эрээри, биир да нэһилиэктэн сайаапка киирбэтэ. Урукку сылларга дүллүкүлэр, намнар көтүппэккэ кыттааччылар. Быйыл улууска тупсарыныыга элбэх үлэ ыытылынна, уулусса уулуссанан тубуста, үгүс тэрилтэлэр тэлгэһэлэрин оҥоһуннулар, онон кыттааччы элбиэ дии санаабыппыт да, оннук буолбата.

0
0
19 января 19.01
  • -48°
  • $ 73,82
  • 83,32