Эбээн Бытантай улууһугар ытык кырдьаҕас, өр сылларга тыа хаһаайыстыбатыгар эҥкилэ суох үлэлээбит Мария Саввична Сыроватская олорор. Киниэхэ урбаанньыт Терентий Горохов Аан дойдутааҕы дьахталлар күннэринэн, Саха Өрөспүүбүлүкэтигэр Ийэ сылынан биир массыына маһы соһуччу бэлэх оҥордо.
Мария Саввична хоту сиргэ олус наадалаах бэлэхтэн олус үөрдэ. Терентий Григорьевич кэрэ аҥардарга анаан хамсык дьаҥа туруон иннинэ, улуус ырыа куттаах эр хоһууннарын түмэн кэнсиэр бэлэхтиирэ.
«Киһиэхэ үөрүүнү бэлэхтииртэн ураты күндү суох. Бүгүн ытык киһини үөрдүбүппүттэн бэйэм дьоллоннум. Кэрэ аҥардар, ийэлэр хаһан да хомойумаҥ. Олохтон дуоһуйа, чэгиэн сылдьыҥ диэн баҕарабын!«- диэн кини санаатын үллэһиннэ.
