25 От ыйа 25.07
  • 24°
  • $ 86,55
  • 94,38

Дьокуускайга Ньургун Тимофеев өйдөбүнньүк бэлиэтин астылар

15:01, 10 февраля 2021
Текст:
Читайте нас на
Яндекс Новости
ЯДВ

Дьокуускай киинигэр, алмаас атыытынан дьарыктанар тэрилтэ дьиэтин эркинигэр Ил Түмэн III ыҥырыылаах мунньаҕын дьокутаата, норуот хаһаайыстыбатын үтүөлээх үлэһитэ Ньургун Тимофеев өйдөбүнньүк бэлиэтин астылар.


«Ньургун Тимофеев эдэр сааһыгар алмаас суортааһынын, атыытын курдук эппиэттээх үлэни тэрийиинэн дьарыктаммыта, кылгас кэм иһигэр атаҕар туруорбута», — диэтэ Ил Түмэн спикера Петр Гоголев.

Кини 2002 сыллаахха биир дойдулаахтара Ньургун Тимофеевы норуот дьокутаатынан талбыттарын, оттон 2005 сыллаахха Ньургун Семенович Ил Түмэн бэрэссэдээтэлэ буолбутун санатта.

Конституционнай суут бэрэссэдээтэлэ Александр Ким-Кимэн Ньургун Тимофеев алмаас-бриллиант комплексын тэрийиини көҕүлээбитин, кини салалтатынан алмааһы атыылыыр тэрилтэ тэриллибитин эттэ. Парламент бэрэссэдээтэлин быһыытынан улуус дьокутааттарын кытары үлэҕэ элбэх болҕомтотун уурбутун аҕынна.

«Кини көҕүлээһининэн парламеҥҥа пресс-киин тэриллибитэ. АЛРОСА акцияларын салайыы туһунан сокуон ылыллыбыта. Ньургун Семенович өр кэмҥэ сахалыы ыстаныыга Федерация бэрэссэдээтэлинэн, «Сахаада-спорт» ассоциация састаабыгар, чэпчэки атлетика Федерациятын бэрэсидьиэнинэн үлэлээбитэ. Дойдутугар спортшкола кини аатын сүгэр», — диэтэ Александр Ким-Кимэн.

Ил Дархан уонна бырабыыталыстыба дьаһалтатын салайааччы Афанасий Владимиров Ньургун Тимофеев аатын оҕо спортивнай оскуолата, саха алмааһа сүгэллэрин эттэ.

Следите за самым важным и интересным в Telegram-канале и WhatsApp-группе ЯСИА