Российскай Федерация Сэлиэстийэлиир кэмитиэтин бэрэссэдээтэлэ Александр Бастрыкин Дьокуускайга электосамокатынан кыра саастаах оҕону эчэппиттэринэн холуобунай дьыала тэриллэрин эттэ.
Социальнай ситимнэргэ сурулларынан, бу сыл от ыйын 17 күнүгэр, Дьокуускайга 23 саастаах олохтоох киһи электросамокатынан айаннаан иһэн, дьон хаамарыгар көҥүллээх сиринэн баран иһэр биэс саастаах оҕону эчэттэ. Оҕоҕо медицина көмөтө наада буолла.
Россия сэлиэстийэлиир кэмитиэтин Саха сиринээҕи сэлиэстийэлиир салалтатынан бу дьыаланан процессуальнай бэрэбиэркэ тэрилиннэ.
Российскай Федерация Сэлиэстийэлиир кэмитиэтин бэрэссэдээтэлэ Александр Иванович Бастрыкин Саха сиринээҕи салаа салайааччыта Виталий Викторович Кондратенкоҕа холуобунай дьыала тэрийэригэр уонна сэлиэстийэ хаамыытын түмүгүн дакылааттыырыгар сорудахтаата.
Сорудах туолуутун хонтуруола биэдэмистибэ киин аппараатыгар бэрилиннэ.
