Тэрээһиҥҥэ РФ Уопсастыбаннай балаататын демографияҕа, дьиэ кэргэн, оҕо аймах харыстабылыгар уонна дьиэ кэргэн үгэс буолбут сыаннастарыгар хамыыһыйа бэрэссэдээтэлэ Сергей Рыбальченко кытынна. СӨ үлэҕэ уонна социальнай сайдыыга миниистири солбуйааччы Елена Теплякова өрөспүүбүлүкэҕэ Дьиэ кэргэн сылын былаанын билиһиннэрдэ. Сергей Рыбальченко Саха сиригэр дьиэ кэргэни өйөөһүн ситимнээхтик уона тиһигин быспакка ыытылларын бэлиэтээтэ.
Стратегическай сиэссийэ түмүктэринэн элбэх оҕолоох, оҕону иитэ ылар дьиэ кэргэттэртэн, уопсастыбаннай тэрилтэлэртэн турар хамаандалар элбэх оҕолоох дьиэ кэргэни өйүүргэ, социальнай тулаайах хаалыы кутталын намтатарга бэйэлэрин этиилэрин киллэрдилэр.
Елена Теплякова эппитинэн, Гражданскай пуорум түмүгэр уопсастыбаннай тэрилтэлэр уонна дьиэ кэргэттэр киллэрбит этиилэринэн резолюция ылыллыаҕа, суруйда Саха сирэ саайт.
