9 Олунньу 09.02
  • -43°
  • $ 71,58
  • 76,83

Диана Баишева Манчаары Оонньууларын пиктограмматын дизайнын кэпсээтэ

16:01, 16 февраля 2021
Текст:
Читайте нас на
Яндекс Новости
ЯДВ

Манчаары Оонньууларын пиктограмматын оҥорууга В.Манчаары аатынан киин лабораториятын түөрт дизайнера үлэлээтэ.  Бу бастакы холонуу. XXI оонньуулар ыытыллыахтаах түһүлгэлэрэ уонна спортивнай киирсиилэр көрүҥнэрэ олук буоллулар, суруйар СИА.


«Олимпийскай оонньууларга тэрийээччилэр пиктограмманы Олимпиада ханнык дойдуга ыытылларынан сирдэтэн оҥороллор. Динамиката, спорт көрүҥэ, култуура, дойду тутула барыта учуоттанар. Биһиги эмиэ хас Оонньуулар аайы саҥаттан саҥа иллюстрацияны уруһуйдуур былааннаахпыт. Бу иннинэ маннык суох этэ. 2012 сыллаахха уонна ол иннинэ оҥоһуллубут дизайн спорт көрүҥүн логотиба буолбута. Оччолорго араас маастаах пиктограмманы биир киэпкэ угуу барбыта. Билигин туох баар ирдэбили барытын тутуһабыт. Иконкалар уратылара диэн спортсменнар хамсаныыларын көрдөрүү, туттуллар атрибутиканы киллэрии.

Барыта биир линиянан ыытыллыахтаах. Бэлиэлэргэ от күөх өҥ баһылыыр, бу Горнай улууһугар сөп түбэһэр. Саха национальнай оһуора — «Көҕүөр ойуу» уонна мас-от баар. Оонньуулары рекламалааһын, сувенирдар уо.д.а. бу пиктограмма арыаллаах буолуохтара. Предпринимателлэри кытта дуогабар быһыытынан үлэлиэхпит. Маны сэргэ Горнайга ыытыллар Манчаары оонньууларыгар 11 спорт көрүҥэр үлэлиир судьуйалар таҥастарыгар киллэриллиэҕэ», — СИА-ҕа лаборатория начаалынньыга Диана Баишева кэпсээтэ.

Следите за самым важным и интересным в Telegram-канале и WhatsApp-группе ЯСИА
0
0