Чурапчы нэһилиэгэр биллэриллибит Экология сылынан үгүс өрүттээх үлэ ыытыллар. Бу күннэргэ тэрилтэлэр сыһыарыллыбыт сирдэринэн мас, талах көрүҥнэрин олортулар.
Маныаха 6 сиргэ урбаанньыт Егор Тимофеев салайар биригээдэтэ оһуордаах, үйэлээх тимир палисадниктары тутта. Оттон нэһилиэк дьаһалтатын үлэһиттэрэ тиэйии-таһыы үлэтин сүрүннээтилэр. Мастары Сылаҥныыр суол таһынааҕы дэлээнэттэн аҕалбыттар.
Уопсайа 400 устуука хахыйах, талах олордулунна.
Хаартыскаларга С.А. Новгородов аатынан Чурапчы орто оскуолатын кэлэктиибэ.
Марфа Петрова
