26 От ыйа 26.07
  • 17°
  • $ 85,41
  • 93,17

Чукотка бастыҥ хореограба Владислав Ринтытегин колледж устудьуоннарыгар үҥкүү туруоруон баҕарар

11:58, 07 апреля 2016
Читайте нас на
Яндекс Новости
ЯДВ

Хотугу норуоттар ураты тыыннаах, тэтимнээх үҥкүүлэрэ болҕомтону тардар, көрөөччүнү абылыыр. Манна имигэс, чэпчэки хамсаныыны тэҥэ кыыл-сүөл, көтөр-сүүрэр ырыата-тойуга, үүнээйи сипсиэрэ дьикти-кэрэ муусука буолан кутуллар, сүрэҕи-быары эймэһитэр.


Үҥкүү кэрэ кистэлэҥнээх, муҥурун булларбат ураты таабырыннаах. Ол иһин үҥкүүнү үөрэтэр буоллахха норуот култууратын, олоҕун-дьаһаҕын, төрүт дьарыгын, тугунан тыынарын үчүгэйдик билиэхтээххин диэн бэлиэтээн туран, Өксөкүлээх Өлөксөй аатынан Норуоттар доҕордоһууларын дьиэтин салалтата ыраахтан ыалдьыт ыҥырбыт. Бу туһунан Дьокуускайдааҕы култуура уонна ускуустуба коллеһын методиһа Василий Бачьев иһитиннэрдэ.

«Камчаткатааҕы ускуустуба коллеһыгар Хотугу уонна Дальнай Восток аҕыйах ахсааннаах норуоттарын кытта үлэҕэ дириэктэри солбуйааччы Владислав Ринтытегин ыҥырыллыыта култуура эйгэтин дьонугар-сэргэтигэр үөрүүлээх сонун. Ыраахтан кэлбит ыалдьыт биһиги үөрэхпит кыһатын үҥкүүгэ салаатын устудьуоннарыгар маастар-кылаас биэрдэ.

Оҕолор биллиилээх хореограбы уу харахтарынан көрөллөрүн, сэһэргэһэллэрин сэргэ, өссө киниттэн хотугу үҥкүү хамсаныыларыгар үөрэнэн улаханнык астыннылар», — диэтэ. Василий Афанасьевич кэпсээбитинэн, түһүлгэҕэ мустубут ыччаттар хас биирдии хамсаныы уратытын, ис хоһоонун сиһилии үөрэппиттэр. Ыалдьыт колледж директорын Захар Никитини кытта көрсөн кэпсэтиитигэр, бу үөрэх кыһатыгар биир ый устата анаан үлэлиэн, ыччакка хотугу норуоттар үҥкүүлэрин туруоруон баҕарарын эппит.

Бу күннэргэ Владислав Ринтытегин С.Зверев аатынан үҥкүү тыйаатырыгар, ансаамбылларга ыалдьыттыыр, бэлэмнэниилэрин көрөр, маастар-кылаастары биэрэр, үлэ үөрүйэҕин атастаһар.

Следите за самым важным и интересным в Telegram-канале и WhatsApp-группе ЯСИА
Тутаах тыллар