18 От ыйа 18.07
  • 18°
  • $ 88,09
  • 96,3

Бэрээдэги хааччыйыы миэрэлэрин күүһүрдүөхтэрэ

11:03, 27 марта
Текст:
Хаартыска: Саха сирэ саайт
Читайте нас на
Яндекс Новости
ЯДВ
Кулун тутар 26 күнүгэр Ил Дархан Айсен Николаев өрөспүүбүлүкэҕэ бэрээдэги хааччыйыыга сүрүннүүр сэбиэт мунньаҕын ыытта, Саха сирэ саайт.

Мунньахха  VIII «Азия оҕолоро» норуоттар икки ардыларынааҕы успуорт оонньууларын кэмнэригэр Дьокуускайга уопсастыбаннай куттала суох буолууну хааччыйыы, экстремизми сэрэтэр, омуктар икки ардыларынааҕы сыһыаны сымнатыы боппуруостарын дьүүллэстилэр.

Айсен Николаев «Азия оҕолорун» кэмигэр успуорт эбийиэктэргэ эрэ буолбакка, спортсменнар түһэр, аһыыр, сынньанар сирдэригэр эмиэ куттал суох буолууну хааччыйыыга болҕомтону уурарга сорудахтаата.

— Оонньууларга хаһааҥҥытааҕар да саамай элбэх дойдуттан кыттааччы кэлэрэ бэлиэтэннэ. Онон куттала суох буолууну хааччыйыы — биһиги үлэбит инники күөнүгэр сылдьыахтаах. Оонньуулар бары эбийиэктэрин, аэропортан саҕалаан, оҕолор аһыыр сирдэригэр тиийэ, харыстыырга кэлим соруктары толоруохтаахпыт, — диэн кини эттэ.

Маны тэҥэ, Ил Дархан «Крокус Сити Холл» кииҥҥэ теракт кэнниттэн, террористическай уонна экстремистскэй кутталы сэрэтэргэ эбии миэрэлэри ылынарга соруктары туруорда.

Ил Дархан, бырабыыталыстыба дьаһалтатын пресс-сулууспата.

Следите за самым важным и интересным в Telegram-канале и WhatsApp-группе ЯСИА
Тутаах тыллар