19 От ыйа 19.07
  • 14°
  • $ 87,88
  • 96,1

Балыктыыр түһээни үрдэтиэх курдуктар

Читайте нас на
Яндекс Новости
ЯДВ

Нолуок кодексыгар балыксыттар түһээннэрин үрдэтэр туһунан этии киирдэ. Бу сокуон бырайыагын Госдума аныгыс ааҕааһыныгар көрүөхтэрэ диэн «Парламентская газета» биллэрэр.

Бырайыак быһыытынан, дойду иһигэр өрүс, күөл уонна муора ууларыгар түһээн алын кээмэйин биир туоннаҕа 150 солк. гыныахха диэн буолла. Туорааһын быһыытынан, салахайдаах, ньамахтаах ууларга сыана уруккутунан туонна иһин 50 солк. кээмэйдээх хаалыаҕа. Балтийскай уонна Каспийскай муораларга күндүөбэй, леща, сордоҥ, сыалыһар, тимир атах, таас бас, кыһыл харах уо.да.а балыткарга сыана 20 солк. хаалыаҕа.

Саҥа докумуоҥҥа, «Балтийский бассейн» диэн салаатыгар туспа «корюшка» позицията баар буолуоҕа. Манна туонна иһин түһээн алын кээмэйэ 50 солк. буолуоҕа. Онтон минтай балыгы бултаһыан баҕалаахтар биир туонна иһин 4300 солк. түһээни биэриэхтэрэ, нерка иһин түһээн 30 тыһ. солк. диэри үрдүөҕэ. Селдь балык кээмэйин 400 солк. оҥордулар. Ол быыһыгар, рыболовстваҕа үлэлии сылдьар дьоҥҥо вычет систематын киллэриэххэ сөбүн толкуйдууллар.

Маны таһынан, көҥүл ылбыккын кэннэ, олоххо биирдэ төлөнөр түһээн кээмэйин 10-тан 15 быраһыаҥҥа диэри үрдэтэр былааннаахтар.

Тыа хаһаайыстыбатын министиэристибэтэ сыаналыырынан, бу түһээнтэн киирэр харчынан, дойду бүддьүөтүн 2,2 миллиардтан 21 миллиардка тиийэ үрдэтиэххэ син.

Следите за самым важным и интересным в Telegram-канале и WhatsApp-группе ЯСИА