16 От ыйа 16.07
  • 25°
  • $ 87,81
  • 95,78

Баартыйа барыллааһын куоластааһына былааһы уонна уопсастыбаны сомоҕолуохтаах

16:05, 13 апреля 2016
Текст:
Читайте нас на
Яндекс Новости
ЯДВ

«Биир ньыгыл Россия» баартыйа Госдума быыбарыгар Саха сириттэн кыттар кандидаттары талар барыллааһын куоластааһына былааһы уонна уопсастыбаны сомоҕолуурга, ону таһынан баартыйа аатын-суолун үрдэтиигэ туһаайыллар тэрээһин буолуохтаах. Ити туһунан баһылык Егор Борисов муус устар 12 күнүгэр праймериз кыттыылаахтарын кытта көрсүһүүгэ эттэ.


«Өрөспүүбүлүкэ сиригэр-уотугар Госдума быыбарын хампаанньата саҕаланар түһүмэҕэ быһаарыллар. Барыллааһын куоластааһын – аһаҕас, демократичнай уонна булгуччулаах процедура буоларын өйдүөхтээххит », — диэтэ Е.Борисов.

Кини кыттааччылар бигэ санаалаах буолалларыгар, эппиэтинэһи ылыналларыгар ыҥырда уонна кинилэргэ чопчу соруктары туруорда.

Дойдуга тас политика күһэйиититтэн, бөрүкүтэ суох сабыдыалыттан, экономика көрдөрүүтэ намтааһыныттан төрүөттэнэн бүгүҥҥү быһыы-майгы судургута суоҕун Егор Борисов чиҥэтэн эттэ. «Уопсай саба быраҕан көрдөххө, Саха сирэ балачча үчүгэй туруктаах. Ол да үрдүнэн праймериз кыттыылаахтарыттан эппиэтинэс, дойду, өрөспүүбүлүкэ, киһи кыһалҕаларын өйдөөһүн эрэйиллэр”, — диэтэ кини.

Политическай мөккүөргэ, дьүүллэһиигэ кыттыы ураты улахан суолталааҕын ыйда. «Баар инструменнары: статистика дааннайдарын, социологическай чинчийиилэр түмүктэрин, ситэриилээх былаас үлэтин туһунан иһитиннэриини, о.д.а. бүүс-бүтүннүүтүн маннык дьүүллэһиигэ туһаныахха наада», — диир өрөспүүбүлүкэ баһылыга.

Быыбардааччыны интэриэһиргэтэр, кини итэҕэлин ылар ураты улахан суолталааҕын, кураанах эрэннэриини биэрэр сатамньыта суоҕун бэлиэтээтэ.

Дойду, өрөспүүбүлүкэ социальнай-экономическай инники сайдыытынан салайтаран, чопчу уонна дьиҥнээх түмүктэргэ тирэҕирбит хоруйдары биэрэр ордугун кини ыйда.

«Эһиги күүскүт — хамаандаҕыт», — диэтэ.

Санатар буоллахха, ыам ыйын 22 күнүгэр «Биир ньыгыл Россия» баартыйа Саха сиринээҕи салаатыгар барыллааһын куоластааһын ыытыллар. Онно 16 киһи кыттар. Куоластааһыҥҥа кыайбыттар Госдума быыбарыгар кандидат быһыытынан бигэргэнэллэр.

Следите за самым важным и интересным в Telegram-канале и WhatsApp-группе ЯСИА