Өрөспүүбүлүкэтээҕи Россельхознадзор Нерюнгрига ыыппыт бэрэбиэркэтин түмүгэр «Петропавловскай Мясокомбинат» ХЭТ оҥорон таһаарбыт бүрээт ынаҕын этиттэн тетрациклиновай бөлөх — окситетрациклин антибиотиктарын булла.
Ынах этин Иркутскайдааҕы бэтэринээринэй лабораторияҕа ыытан бэрэбиэркэлэттилэр.
Тетрациклиновой бөлөх антибиотиктара пенициллиновай антибиотиктары солбуйаллар. Үгэс быһыытынан сүөһүнү эмтээһиҥҥэ, улаатыннарааһыҥҥа туһаныллаллар.
Антибиотик сорҕото киһи сиир аһылыгар баара Таможеннай сойуус тэхиниичэскэй регламенын кэһии быһыытынан билиниллэр. Онон билигин кэһиини утары миэрэ ылаллар.
