19 Тохсунньу 19.01
  • -48°
  • $ 73,82
  • 83,32

Бүлүүгэ Култуура дыбарыаһын бастакы сваятын туруордулар

11:13, 09 февраля 2016
Текст:

Кырдьык даҕаны, бэрт өрдөөҕүттэн күүппүт, туруорсубут тутуубут – Култуура дыбарыаһа, дьэ тутуллар буолбут диэн, төһө да тымныы, супту үрэр чысхааннаах күн турдар, дьон-сэргэ үөрэ-көтө муһунна.

Туманы өрүкүтэн буровой массыына тоҥ буору дьөлө үүттүүрүн мустубут дьон болҕомтолоохтук кэтээтэ. Үлэ бүтэн, аны авто-кыраан кэлэн, аттыгар сыппыт 10 миэтэрэ уһуннаах, төбөтүгэр сахалыы орнамент ойуулаах сваяны өрө көтөҕөн таһааран, били үүттэммит дьөлөҕөскө аа-дьуо түһэрдэ. Ону тутааччы уолаттар көрөн-истэн оннун буллардылар уонна муннуктуу оҥоһуллубут анал маһынан ытаһалыы астылар.

DSCN1657

Саҥа дьиэ акылаатын түһэриигэ, үгэс быһыытынан, сахалыы сиэр-туом толоруллар. Онон икки этээстээх улахан Дыбарыас бастакы сваятын түһэриини СӨ култууратын үтүөлээх үлэһитэ, биллиилээх алгысчыт, тойуксут, оһуохайдьыт, олоҥхоһут С.И. Иванов аал уоту оттон, сахалыы алҕаата, култуура үлэһиттэрэ кэлбит дьону арыылаах алаадьынан, кымыһынан күндүлээтилэр.

Бу үөрүүлээх түгэҥҥэ улуус баһылыга С.Н. Винокуров, оройуон Сэбиэтин бэрэссэдээтэлэ Г.С. Корякин, куорат баһылыга А.Г. Шипков, СР культуратын үтүөлээх үлэһитэ, «Алгыс» сынньалаҥ киинин директора Н.Н. Иванова, Бүлүү эдэр ыччатын аатыттан И.Л. Кондаков аатынан Бүлүүтээҕи гимназия  үөрэнээччитэ, «Надежда Вилюя» үҥкүү ансаамбылын солистката Саина Мякишева истиҥ эҕэрдэ тыл эттилэр.

DSCN1671

Бу икки этээстээх, үсүһүгэр халлааҥҥа харбаспыт ураһаҕа майгынныыр дьэрэкээн оҥоһуулаах дьиэлээх, ис-тас өттүгэр араас омук стилэ кыттыспыт ханна да суох ураты, дьикти, үчүгэй бырайыактаах 400 миэстэлээх улахан дыбарыаһы «Легион-ГРК» ХЭУо (директор Д.П. Копырин, прораб В.В. Иванов) тутар буолла. Бырайыагын «Якутгазпроект» ГИП ХЭУо оҥорбут. Дыбарыаспыт тутуута 2017 сылга бүтүөхтээх.

0
0
19 января 19.01
  • -48°
  • $ 73,82
  • 83,32