Сибиир федеральнай уокуругун сүүмэрдэммит хамаандатын састаабыгар Новосибирскайтан, Красноярскайтан, Омскайтан, Иркутскайтан, Бурятияттан, Тываттан уопсайа 333 эдэр спортсмен «Азия оҕолоругар» кыттар.
Аркадий Кулибин, Забайкальскай уокурукка спорт миниистирин э.т. Оонньуу спорт мастарыастыбыата үрдүүрүгэр улухан олугу уурарын бэлиэтиир.
«Биһиги Туяна Ташидоржиевабыт урукку Оонньууларга кыһыл көмүс мэтээли ылбыта, оттон билигин кини дойду олимпиадаҕа сүүмэрдэммит хамаандатын састаабыгар киирдэ. Бу да сырыыга куһаҕана суох кытынныбыт.4-тэн 2 кыһыл көмүс мэтээли ыллыбыт. Ол аата хамаанда сөпкө сүүмэрдэммит, тренердэр үчүгэйдик үлэлээтилэр, оттон оҕолор баар кыахтарынан кииристилэр», — диир Забайкалье бэрэстэбиитэлэ.
Алексей Тюлюш иитиллээччилэрэ хапсаҕайга уонна курашка күөн көрсө сылдьаллар. «Манна биһиги ыйааһыҥҥа барытыгар кыттабыт. Хапсаҕайга киирсэр хамаанда састаабыгар алтаттан биэһэ Тыва спортсменнара. Кинилэр бары кытаанах тургутан көрүүнү ааспыттара. Хапсаҕай биһиги хуреш тустуубутугар майгынныыр. Биллэн турар, уратылаах: биһиги хапсыһыы иннинэ хотой үҥкүүтүн толоробут, таҥастаах тустабыт, быраабылаҕа да араастаһыы баар. Биһиги кыайар соруктаах кэлбиппит, онон мэтээли да кэтиэхпит дии саныыбын», — диир кини.
Бөлөх салайааччыта, «Сибирское соглашение» физкультураҕа уонна спортка ассоциация регионнар икки ардыларынааҕы департаменын салайааччыта Вероника Тайдакова этэринэн, Сибиир федеральнай уокуругун хамаандата булгуччу кыһыҥҥы оонньууларга кыттыан туһунан эттэ.
Алта күн түмүгүнэн уокурук 34 көмүс мэтээллээх, сүрүн утарсааччытын Казахстаны мэтээлин ахсаанынан билиҥҥитэ хотон иһэр.
