13 От ыйа 13.07
  • 30°
  • $ 87,74
  • 95,76

"Азия оҕолоро" оонньууларга саахымат хонуутугар күрэс сөргүтүлүннэ

12:03, 28 июня
Текст:
Хаартыска: Мүрү саһарҕата хаһыат телеграм-ханаала
Читайте нас на
Яндекс Новости
ЯДВ

“Азия оҕолоро” оонньууларга 2016 сыллаахха бүтэһигин ыытыллыбыт саахымат көрүҥэ быйыл сөргүтүллүбүтүттэн тобуллаҕас өйдөөхтөр үөрэллэр, оҕо өйүн сайыннарар оонньуу инники кэскилэ түстэнэриттэн астыннылар.

Быйылгы оонньууларга ыраах Палестина, Бахрейн, Монголия дойдуларыттан, сылаас Узбекистантан, Казахстантан, Кыргызстантан, Москваттан, Сибиир, Урал, Уһук Илин федеральнайдааҕы уокуруктартан 2008- 2011 сыл төрүөх оҕолор кытта кэлбиттэр.

Саха сириттэн алта оҕо кыттар. Кыргыттарга — Валерия Слепцова, Виктория Степанова, Анастасия Каплич. Уолаттарга — Альберт Постников, Артур Васильев, Александр Иванов төрөөбүт өрөспүүбүлүкэлэрин чиэһин көмүскүөхтэрэ.

Саахымат күрэһин кылаабынай судьуйатынан Челябинскай куораттан Михаил Крюков, кылаабынай сэкирэтээринэн Серпухов куораттан Константин Калиев ананан үлэлиэхтэрэ.

Кылаабынай судьуйа уонна сэкирэтээр солбуйааччыларынан биир дойдулаахтарбыт Суоттуттан төрүттээх физико-математическай наука кандидата, ХИФУ математическай экономика уонна прикладной информатика доцена, Россия категориялаах спортивнай судьуйа Семён Владимирович Местников төрөппүт уолунаан саахыматчыт Айдын Местниковтыын үлэлии сылдьалларыттан киэн туттабыт, суруйда Светлана Сивцева, @uamurusahargata

Следите за самым важным и интересным в Telegram-канале и WhatsApp-группе ЯСИА