21 От ыйа 21.07
  • 28°
  • $ 88,02
  • 96,04

«Азия оҕолоро» Оонньууларга Дьокуускайга элбэх хайысхалаах спортивнай эбийиэктэр тутуллуохтара

11:01, 14 февраля 2022
Текст:
Читайте нас на
Яндекс Новости
ЯДВ

Саха сирин олохтоохторун улахан аҥара физкултууранан уонна спордунан дьарыктанар. 2021 сылга, төһө да коронавируһунан пандемия буоллар, спорт министиэристибэтин дааннайынан, регион нэһилиэнньэтин ахсааныттан 46 бырыһыана спорт араас көрүҥүнэн үлүһүйэр. Бу сыыппара 2020 сыллаахха 43-кэ тэҥэ. 

Бырабыыталыстыба бэрэссэдээтэлин солбуйааччыта Сергей Местников сыллааҕы отчуот кэмигэр иһитиннэрбитинэн, дьон спордунан дьарыктаныыларыгар маассабай спортка анаммыт эбийиэк тутуута элбээбитэ буолар.

2021 сылга Саха сиригэр 9 спортивнай эбийиэк тутуллубут. 49,7 мөл солк суумалаах спортивнай тэрил уонна инвентарь ылыллыбыт, ол иһигэр Абый, Анаабыр, Үөһээ Халыма, Өлөөн улуустарыгар уонна Дьокуускайга ГТО былаһааккаларыгар анаммыт спортивнай-технологическай тэриллэр.

«Быйыл улахан спортивнай эбийиэктэр Уус Алдаҥҥа уонна Дьокуускайга киириэхтэрэ. 2024 сылга Дьокуускайга ыытыллар «Азия оҕолоро» Оонньууга Промышленнай, Сайсаар уокуруктарыгар тутуллуохтара. Онон нэһилиэнньэ доруобуйатын бөҕөргөтөрүгэр уонна спортсменнар маастарыстыбаларын үрдэтэллэригэр усулуобуйа тэриллиэҕэ», — диэтэ вице-премьер.

Хаартыска: Мария Васильева, СИА

Следите за самым важным и интересным в Telegram-канале и WhatsApp-группе ЯСИА