22 От ыйа 22.07
  • 18°
  • $ 88,02
  • 96,04

Арыйаан Тютрин уонна Ньургун Скрябин көҥүл тустууга Беларусь чемпионнар буоллулар

Читайте нас на
Яндекс Новости
ЯДВ

Саха легионердара Арыйаан Тютрин уонна Ньургун Скрябин көҥүл тустууга Беларусь Өрөспүүбүлүкэтин чемпионатын көмүс мэтээллэрин иккиһин ыллылар. Өссө биир Саха киһитэ Андрей Бекренев финалга тахсан, тохсунньу 13 күнүгэр быһаарыылаах хапсыһыыга тахсыаҕа, диэн СИА иһитиннэрэр.

Арыйаан Тютрин 57 киилэҕэ диэри ыйааһыннаахтар финалларыгар принципиальнай утарсааччытын Димчик Батамонкуевы кытары кытта көрүстэ. Хапсыһыы икки спортсмеҥҥа ыараханнык ааста, очко ахсаана 5:5 тэҥнэстэ, ол эрээри, кыайыыны Саха тустуугар биэрдилэр.

Ньургун Скрябин 65 киилэҕэ диэри ыйааһыҥҥа финальнай көрсүһүүтэ эмиэ чэпчэкитэ суох буолла. Кини утарсааччытынан Хасавюрт оскуолатын иитиллээччитэ — Ислам Гусейнов буолла.Саха киһитэ 8:6 ахсааннаах кыайыыны ситистэ.

Ити курдук, Тютрин уонна Скрябин дойдуга лидердэр буолалларын бигэргэттилэр.

61 киилэҕэ диэри ыйааһыҥҥа финалга Саха сириттэн Андрей Бекренев таҕыста. Кини Иван Громыконы кытары киирсиэҕэ. Кыһыл көмүс мэтээл иһин охсуһуу тохсунньу 13 күнүгэр Саха сирин бириэмэтинэн түүн буолуоҕа.

Следите за самым важным и интересным в Telegram-канале и WhatsApp-группе ЯСИА