19 От ыйа 19.07
  • 21°
  • $ 87,88
  • 96,1

Арчыһыт Айыы Уолана Алаас: "Дьону интернетинэн ойуун оҥорумаҥ, сэттээх"

14:56, 23 сентября 2019
Текст:
Читайте нас на
Яндекс Новости
ЯДВ

Бу күннэргэ социальнай ситимнэргэ Үөһээ Бүлүүттэн төрүттээх Александр Васильевич Барчахов туһунан «Александр Габышев суолунан Москваҕа айаннаан эрэр» диэн сымыйа сурах-садьык тарҕанна. Биллэн турар, Саха сирин олохтоохторо айманнылар. 


Биэнсийэҕэ олорор Александр Васильевич Барчахов кэпсииринэн, кини Дьокуускай куораттан дойдутугар Үөһээ Бүлүүгэ тиийэн, киин уулуссалары ыраастыы, арчылыы сырыттаҕына видеоҕа устубуттар. Онтукаларын куйаар ситимигэр таһаарбыттар.

Арчыһыт Александр Васильевич Барчахов “Ulusmedia” сайтка бу курдук бэйэтин санаатын үллэһиннэ:

— Мин сахалыы аатым Арчыһыт Айыы Уолана Алаас диэн буолабын. Үөһээ Бүлүүгэ түөлбэбэр кэлэн дьон дьиэлэрин, тэлгэһэлэрин, дьиэ иһинээҕи дьону ыраастыы, куһаҕан дьайтан бүөлүү сылдьабын. Мэнээх сылдьар дууһалары булан өбүгэлэригэр ыытан, үрдүкү Айыыларга көмө буолабын. Үөһээ Бүлүүгэ киин суолларын куһаҕан тыыннаах сирдэрин ыраастаатым, арчылаатым. Ону көрөн дьон видеоҕа уһулан, хаартыскаҕа түһэрэн, сымыйа сураҕы тарҕаппыттар.

Айдарыылаахтар дьон күлүү-элэк оҥосторугар кыһаллыбаттар, тоҕо диэтэххэ үрдүкү айыылартан харысхаллаах буолаллар. Куһаҕаны саныыр дьон олохторугар табыллыбат буолуохтарын сөп, ону бэйэлэрэ да билбэккэ хаалыахтарын сөп.  Быһа эттэххэ, сэттээх. Айдарыылаах дьону мээнэ саҥарбатыннар диэн этиэххэ, сэрэтиэххэ наада. Мин Александр Габышевы — ойуун диир кыаҕым суох, кинини манна саха итэҕэлигэр көмөлөс диэн киирэн өй-санаа биэрэ сатаабыттар, ону истибэккэ нуучча итэҕэлинэн баран хаалла. Итинник саха дьоно нууччалыы иитиилээх буоланнар, күүскэ муналлар, Саха сиригэр Аар Айыы тойон көрөн олорорун өйдөөбөттөр. Билигин айдарыылаахпын дэнэр эдэр оҕолор элбээтилэр. Сэрэхтээх буолаллара ирдэнэр, мээнэ саҥаран «ойууммун” дэнэллэрэ сэттээх буоларын өйдүөхтэрэ дии саныыбын. Бэйэҕит көрдүгүт куйаар ситиминэн сымыйа сураҕы тарҕатан кими баҕар ойуун оҥоруохтарын сөбүн.

Ааптар: ulusMedia

Следите за самым важным и интересным в Telegram-канале и WhatsApp-группе ЯСИА