Арассыыйа стратегическай кимэн киириини сэбилээһин туһунан дуогабарга кыттыытын тохтотор, ол туһунан РФ бэрэсэдьиэнэ сыл ахсын ыытар федеральнай мунньахха этиитигэр иһитиннэрдэ.
«Хатылаан этэбин, дуогабартан тахсыбат — тохтотор. Бу боппуруоһу дьүүллэһиигэ төннүөхпүт иннинэ, биһиги Хотугу атлантическай альянс дойдулара, Франция уонна Великобритания тугу ситиһэ сатыылларын өйдүөхтээхпит, ол эбэтэр бу дойдулар холбоон ударнай кыахтарын учуоттуохтаахпыт».
«АХШ уонна НАТО сыаллара-соруктара Арассыыйаны стратегическай өттүнэн кыайыы буоларын туһунан быһаччы этэллэр. НАТО стратегическай кимэн киириини сэбилээһин туһунан дуогабар кыттыылааҕа буоларыгар сайаапка биэрбитин кэриэтэ. Биһиги онно сөбүлэһэбит. Баһаалыста. Маны таһынан, бу боппуруос көрүллүөхтээҕэ ыраатта дии саныыбыт», – диэтэ Путин.
