Анастасия Диодорова Токиотааҕы Паралимпиадаҕа кыттан бүттэ. 100 миэтэрэни көхсүнэн устууга финалга тахсыбата.
Квалификационнай устууга Анастасия Диодорова 1.25,96 көрдөрүүлээх кэлэн, бэйэтин бөлөҕөр бэһис, икки устуу түмүгүнэн тохсус буолла. Финалга квалификация түмүгүнэн аҕыс бастыҥ түмүгү көрдөрбүттэр тахсаллар.
Эрдэ Анастасия баттерфляй көрүҥҥэ 50 миэтэрэни устууга бэйэтин бөлөҕөр алтыс буолбута. Икки устуу түмүгүнэн — 11-с. Итини таһынан спортсмен хамаанданан эстафетаҕа 4Х50 кыттыбыта. Онно Арассыыйа Паралимпийскай кэмитиэтэ төрдүс буолбута.
