27 Тохсунньу 27.01
  • -48°
  • $ 73,82
  • 83,32

Анаабырга туундара туллуктара туойдулар

09:20, 30 марта 2016
Текст:

Үрүҥ Хайа бөһүөлэгэр «Хэйро» этно-культурнай кииҥҥэ сылын аайы ыытыллар улуустааҕы «Туундара туллуктара-2016» ырыа куонкуруһа буолан ааста. Быйылгы куонкурус Россияҕа кинематография, оттон өрөспүүбүлүкэҕэ эбии үөрэхтээһин сылыгар ананан ыытылынна.


Куонкуруска уонтан тахса оҕо бэйэтин холонон көрдө. Бастакы түһүмэххэ кыттааччылар урукку уонна билиҥҥи киинэлэр, мульфильмнар ырыаларыттан ыллаан чоргуттулар. Иккискэ оҕо саас уонна төрөөбүт дойду туһунан көҥүл тиэмэҕэ ыллам ырыалар дьиэрэйдилэр.

Түмүккэ Сааскылаах орто оскуолатын үөрэнээччитэ Арина Оконешникова гран-при буолан, планшет бэлэх тутта. 1-2-3 лауреат үрдүк ааттарын Айаана Туприна, Камилла Сухомясова, Вадим Туприн ыллылар. 1-2-3 степеннээх дипломаннар Саяна Туприна, Каролина Семенова, Женя Туприна буоллулар. Көрөөччүлэр биһирэбиллэрин кыайыылааҕынан Камилла Сухомясова буолла.

0
0
27 января 27.01
  • -48°
  • $ 73,82
  • 83,32