Штаб подразделениелара бүгүн ИДьМ тутаах сорҕотунан, кииннэринэн буолаллар. Манна күннэтэ ыытыллар үлэни ырыталлар, саҥаттан саҥа хайысхалары, ньымалары толкуйдууллар. Бу күн штаб бастыҥ үлэһиттэрин судаарыстыбаннай наҕараадаларынан бэлиэтииллэр.
Алтынньы 7 диэн Грегориан халандаарыгар сыл 280-с күнэ (ордук хонуктаах сылга 281-c күнэ). Сыл бүтүө 85 күн баар.
Бэлиэ күннэр:
- Арассыыйа — ИДьМ (МВД) штаб подразделениелара төрүттэммит күннэрэ
Түбэлтэлэр:
- 1949 — Сэбиэскэй Сойуус оккупациялыыр зонатыгар Германия Демократическай Өрөспүүбүлүкэтэ тэриллибит.
- 1977 — ССРС саҥа, «Брежнев кэминээҕи» конституцията ылыллыбыт.
- 1993 — Арассыыйаҕа № 1 Пост Ленин мавзолейыттан Биллибэт Саллаат уҥуоҕар көһөрүллүбүт.
- 2001 — АХШ сэриилэрэ «Тулхадыйбат көҥүл» диэн операция чэрчитинэн Афганистаҥҥа саба түспүттэр. Икки ыйынан ахсынньы 7 күнүгэр Талибан бүтэһик улахан куората Кандагар сууллубутугар сэрии сүрүн кэрдииһэ түмүктэммит. Ол эрэн партизан сэриитэ тохтооботоҕо. АХШ сэбилэниилээх күүстэрин 2014 сыллаахха Афганистантан сүрүннээн таһаарбыта. Бу АХШ устуоруйатыгар саамай уһун сэрии, Афганистан 1978 сыллаахтан салҕанар гражданскай сэриитин сорҕото буолар.
- 2003 — АХШ-га Калифорния штатын губернаторынан киинэ актера Арнольд Шварценеггер талыллыбыт.
Төрөөбүттэр:
- 1885 — Нильс Бор — Дания физигэ, Нобель бириэмийэтин лауреата (1922).
- 1929 — Герман Денисов — тыа хаһаайыстыба билимин хандьыдаата, биология дуоктара,
- 1936 — Андрей Пахомов (31.12.2001 өлб.) — Саха АССР культурнай тутулун чинчийбит учуонай, устуоруйа билимин хандьыдаата.
- 1939 — Юрий Готовцев — Саха АССР Үрдүкү Сэбиэтин X, XI, XII ыҥырыыларын Норуот дьокутаата, Ил Түмэн III ыҥырыытын дьокутаата.
- 1952 — Владимир Путин — 2000-2008 сылларга уонна 2012 сылтан ыла Арассыыйа бэрэсидьиэнэ, 2008-2012 сылларга премьер миниистир.
Өлбүттэр:
- 1849 — Эдгар Аллан По — Эмиэрикэ суруйааччыта, бэйиэтэ, литературнай критигэ уонна редактора. Саамай биллибит айымньылара — кутталлаах кэпсээннэр.
- 1977 — Василий Семенов (03.04.1916 төр.) — Ойуунускай айар үлэтин үөрэппит чинчийээччи, филология билимин хандьыдаата, литературовед.
- 1990 — Варвара Трофимова — Социалистыы Үлэ Дьоруойа, Бүлүү улууһун «Дьокуускай» сопхуос ыанньыксыта, Бүлүү улууһун Ытык олохтооҕо.
- 1999 — Семен Борисов — Саха сиригэр ил уонна баартыйа биллиилээх диэйэтэлэ, 1939—1941 сылларга көһөрүү наркома. Украинаттан уонна Белоруссияттан дьону көһөрүүнэн дьарыктаммыта, ону кытары кини салайыытынан Чурапчы көһөрүүтэ ааспыта.
