24 Тохсунньу 24.01
  • -48°
  • $ 73,82
  • 83,32

«АЛРОСА» тойоно Сергей Иванов Дьокуускайга кэллэ

17:10, 03 апреля 2017
Текст:

«АЛРОСА» АХ саҥа анаммыт президенэ Сергей Иванов бүгүн Дьокуускайга кэлэн, СӨ Ил Дарханын уонна Бырабыыталыстыба салалтатын кытары көрсөн ирэ-хоро кэпсэтэн баран, суруналыыстарга аҕыйах мүнүүтэни анаан, бэрт аҕыйах ыйытыыга хоруйдаата, диэн www.edersaas.ru иhитиннэрэр.

Жаркову солбуйбут Сергей Иванов Саха сиригэр аан бастакы кэлиитэ. Кини ааспыт эрэ ый саҥата «АЛРОСА» уруулун тутан, чугастааҕы үс сылга өрөспүүбүлүкэ олохтоохторун хараҕын далыгар сылдьар буолуохтаах. Сергей Иванов дойду алмааһын ырыынагар саҥа киһи. «Газпромбааҥҥа», Сбербааҥҥа үлэлээн баран, соһуччу «АЛРОСА»-ҕа кэллэ. Бары билэрбитинэн, кини РФ президенин дьаһалтатын урукку салайааччыта Сергей Иванов уола.

Бырабыыталыстыбаҕа ыытыллыбыт сүбэ мунньахха суруналыыстары киллэрбэтилэр. Арай мунньах кэнниттэн, Ил Дархан Егор Борисовы кытары Сергей Иванов тахсан, аҕыйах ыйытыыга хоруйдаатылар. Сергей Сергеевич күлэн-үөрэн олус холкутук туттан-хаптан, ыйытыыларга хап-сабар эппиэттэһэн истэ.

Саха сиригэр алмааһы көрдөөһүҥҥэ геологическай-чинчийэр үлэлэри салгыы ыытыахпыт. Үөһээ Муҥкутааҕы алмаастаах сиртэн руданы Удачнайдааҕы 12-с нүөмэрдээх хайаны байытар кэмбинээккэ таһыахтаахпыт. Сарсын Егор Афанасьевичтыын Удачнайга баран, миэстэтигэр балаһыанньаны кытары билсиэхпит.

2017 сылга Үөһээ Муҥкутааҕы сиртэн 75 тыһыынча тонна руда хостоноро былааннанар.

Алмаас бырамыысыланнаһын сайыннарыыга Саха сирэ инники күөҥҥэ турар. Хас биирдии региоҥҥа, ол иһигэр Саха сиригэр, Архангельскайга, Африкаҕа тус туһунан былааннаахпыт, – диэн Сергей Иванов суруналыыстарга эттэ.

«Саҥа сиппиир саҥалыы сиппийэр» диэн бэргэн этии баарыныы, саҥа салайааччы топ-менеджердэрин эмиэ уларытыан сөп. Манна туһаайан, алмаас «генерала» кадр боппуруоһугар өрөспүүбүлүкэ салалтатын санаата, этиитэ хайаан даҕаны учуоттаныахтааҕын туһунан бэлиэтээтэ.

Сергей Иванов Дьокуускайга биир күн үлэлээн баран, сарсын Удачнайга көтүөхтээх. Онно алмаастаах түөлбэ улуустарын баһылыктарын кытары көрсөрө былааннанар.

[vc_row][vc_column][vc_message message_box_style=»3d» message_box_color=»grey»]

Сергей Сергеевич Иванов 1980 с. алтынньы 23 күнүгэр Москваҕа төрөөбүтэ. 2001 с. Москватааҕы Норуоттар икки ардыларынааҕы сыһыан судаарыстыбаннай институтун үөрэнэн бүтэрбитэ. 2002 с. үп уонна кирэдьиит эйгэтигэр үлэлиир идэни эмиэ бу институкка баһылаабыта.

2002 – 2005 сс. судаарыстыбаннай инвестиционнай хампаанньаҕа, “ГАЗПРОМ” ААУо үлэлээбитэ;

2005-2011 сс. “Газпромбаан” ААУо вице-президенинэн, бастакы вице-президенинэн, бырабылыанньа бэрэссэдээтэлин солбуйааччынан сылдьыбыта;

2011-2016 сс. “СОГАЗ” АУо бырабылыанньатын бэрэссэдээтэлинэн ананан үлэлээбитэ;

2016 с. муус устартан “Сбербаан” старшай вице-президенинэн үлэлээбитэ.

[/vc_message][/vc_column][/vc_row]

0
0
24 января 24.01
  • -48°
  • $ 73,82
  • 83,32