20 Атырдьах ыйа 20.08
  • 14°
  • $ 59,13
  • 59,39

Аллараа Бэстээх тимир суолун ыстаансыйатыгар 426 вагон таһаҕас тиэллэн кэллэ

Саха сирин баһылыга Айсен Николаев Аллараа Бэстээххэ тимир суолунан кэлбит таһаҕаһы сүөкээһиҥҥэ күүһү элбэтэр туһунан сорудахтаата. Ыстаансыйаҕа 426 вагон араас табаар, бородуукта кэллэ. Ол туһунан кулун тутар 30 күнүгэр бырабыыталыстыба бэрэссэдээтэлин солбуйааччы Михаил Никифоров эттэ диэн регион сүрүн пресс-сулууспата иһитиннэрдэ. 

Аллараа Бэстээххэ кэлбит вагоннартан кулун тутар 29 күнүгэр 118-һа сүөкэннэ. Манна бородуукта, табаар уонна уматык баар.

Вице-премьер бэлиэтээбитинэн, дьон күннээҕи олоҕор туттар табаарын хааччыйар ырыынак тохтоло суох үлэлииригэр ыытыллыбыт мунньахха регион баһылыга Айсен Николаев кэлбит таһаҕаһы сүөкээһиҥҥэ күүһү элбэтэргэ сорудахтаабыта.

Михаил Никифоров иһитиннэрбитинэн, саахарга  утары атыыга 66 күн, кууһунан – 147 саппаас баар. Атын бородууктаҕа, ол иһигэр мас арыытыгар – 72, кууһунан – 92, бурдукка – 44 уонна 29, гречкаҕа – 67 уонна 82, туһааннааҕынан.

Билигин тимир суолунан өрөспүүбүлүкэҕэ туһаайыллан 1948 вагон айанныыр, ол иһигэр «Аллараа Бэстээх» ыстаансыйатыгар – 1329 вагон.

«Госкомцен» тэрилтэ прокуратураны кытта бородууктаҕа сыананы олоҕо суох үрдэтиини хонтуруоллуур.

Өрөспүүбүлүкэҕэ бүтэһик үс хонукка сыананы 3% үрдэтии 14 бородууктаҕа таһаарылынна: куурусса этэ, арыы, үүт, гречка, саахар, чэй уо.д.а. Сыана 2% түстэ 15 көрүҥҥэ: ынах, сибиинньэ эттэригэр, балык, сымыыт уо.д.а. 4 көрүҥҥэ сыана уларыйа илик.

Следите за самым важным и интересным в Telegram-канале и WhatsApp-группе ЯСИА
0
0