29 Кулун тутар 29.03
  • -14°
  • $ 92,26
  • 99,71

Александр Коновалов: Саха сиринээҕи оҕо технопарката эдэр көлүөнэ түмсэр киининэн буолуохтаах

16:30, 31 июля 2017
Текст:
Читайте нас на
Яндекс Новости
ЯДВ

Саха сирин Ил Дарханын талааннаах оҕолору өйүүргэ анаммыт ыйааҕынан тэриллэр оҕо технопарката эдэр көлүөнэ түмсэр киининэн буолуохтаах. Бу туһунан СИА-ҕа «Синергия Севера» форум эксперэ, Customer Development модератора Александр Коновалов эттэ. 


«Өскөтүн биһиги техническэй өттүнэн хааччыллыыга атын дойдулары ситиэхпитин баҕарар буоллахпытына, оҕону кыра сааһытан бу хайысхаҕа туһулуурбут наада. Онон маннык тэрилтэлэр — аныгы технологиялары үөрэтиигэ оонньууну холбуу тутуу олус наадалаах ньыма. Оҕолор оонньуу киэбинэн ыытыллар үөрэххэ элбэх уустук информацияны ордук чэпчэкитик ылыналлар. 5 — 10 сылынан бу тэрээһин олус улахан түмүгү биэриэҕэ«, — диэн бэлиэтээтэ Александр Коновалов.

Санатар эбит буоллахха, Саха сирин баһылыга Егор Борисов «Саха Өрөспүүбүлүкэтигэр ураты дьоҕурдаах оҕолору таһаарыыга, өйөөһүҥҥэ кэлим дьаһаллар тустарынан» ыйааҕы от ыйын 24 күнүгэр баттаабыта. Докумуоҥҥа олоҕуран, «2016-2020 сылларга Кэскил туһугар» сыаллаах бырагыраамаҕа Хатаска оҕону эбии үөрэхтээһин өрөпүүбүлүкэтээҕи киин баазатыгар технопарк тутуутун киллэрии этиллэр.

Тэрилтэ үлэтэ инженер идэтин үрдэтиигэ, үрдүк техническэй эйгэҕэ үлэлииргэ дьоҕуру сайыннарыыга туһуланыа: робототехника, механика, электроника, автоматика, компьютерн, телекоммуникация, техническэй моделирование.

Эксперт этэринэн, бу салааҕа преподавательскай састаап толорута суоҕа уонна учуутал идэтин престиһэ кырата үгүс боппуруоһу көтөҕөр.

«IT-исписэлиистэр тиийбэтэр. Билигин Россияҕа бу хайысханан үлэлии сылдьар 500 анал үөрэхтээх киһиэхэ эбии соччо киһи наада. Маны барытын 10 сылга ханнык да үөрэх тэрилтэтэ кыайбат. Иккис кыһалҕа — учуутал буолуу наһаа баҕалаах идэ буолбатах«, — диэн түмүктээтэ Коновалов.

Следите за самым важным и интересным в Telegram-канале и WhatsApp-группе ЯСИА