24 От ыйа 24.07
  • 21°
  • $ 87,3
  • 95,46

Алдан оройуонугар «Союз 2.1а» ракета үлтүркэйин буллулар

15:55, 30 мая 2016
Текст:
Читайте нас на
Яндекс Новости
ЯДВ

Муус устар 28 күнүгэр «Восточнай» космодромтан көппүт «Союз 2.1а» ракета айанныырыгар салгын утары охсор күүһүн мөлтөтөргө аналлаах оҥоһуутун сүрүн хаппаҕа булулунна. Ол туһунан СИА-ҕа «Роскосмос» сир үрдүнээҕи космическай инфраструктураны эксплуатациялыыр киинтэн иһитиннэрдилэр.


ЦЭНКИ отделын начальнига Андрей Воронин иһитиннэрбитинэн, ыам ыйын 30 күнүгэр ракета айанныырыгар салгын утары охсор күүһүн мөлтөтөргө аналлаах оноһуутун сүрүн икки хаппаҕа булуллубут. Бу үлтүркэй ракета көтөөтүн кытта булуллубатаҕа. Ол биричиинэтинэн оччолорго өссө да хаар баара, онон маҥан дьүһүннээх фрагмент үөһэттэн көстүбэтэ итиэннэ халлаан туруга көтүүнү мэһэйдээбитэ буоларын ыйдылар. Онон ыам ыйын 3 күнүгэр көрдөөһүн тохтотуллубут.

Былаан быһыытынан көрдүүр үлэни от ыйыгар төхтөрүйэн саҕалыахтаахтара даҕаны, СӨ бырабыыталыстыбатын туруорсуутунан көрдөөһүн ыам ыйын 21 күнүгэр хаттаан тэриллибитэ. Бастатан туран Бүлүү оройуонун территориятыгар ыытыллыбыта, онно 15-тэн тахса улахан үлтүркэй булуллубута. Ол кэннэ көрдүүр бөлөх Алдан оройуонугар көспүтэ.

Булуллубут үлтүркэй ыйааһына — 1,5 тонна. Углепластиктан уонна композитнай матырыйааллартан оҥоһуллубут. Экологияҕа куттала суох.

Следите за самым важным и интересным в Telegram-канале и WhatsApp-группе ЯСИА