Бөлүүн 03:44 мүн Алдан улууһун Ыллымах нэһилиэгиттэн хотугулуу-илин 16 килэмиэтиригэр сир хамсааһына бэлиэтэннэ. Бу туһунан Саха сиринээҕи ыксаллаах быһыы- майгы министиэристибэтэ иһитиннэрэр.
Сир хамсааһына 15 км дириҥҥэ таҕыста, 5 балл күүстээх буолла.
Ыллымах, Улахан Ньымныыр, Аллараа Кураанах, Томмот, Алдан нэһилиэктэрин олохтоох дьаһалталара олорор дьиэлэри, тэрилтэлэри, ититэр ситимнэри бэрэбиэркэлээтилэр. Саахал бэлиэтэммэтэ. Олохтоохтортон үҥсүү киирбэтэ.
