Дьокуускай куорат дууматын бэрэссэдээтэлэ Альберт Семенов бэйэтин саатын акцияҕа туттарда. Саа салгыы анал байыаннай дьайыы буола турар сиригэр барыаҕа.
Доруобунан ытар булт саата байыастарга наада, утарылаһааччылар пилота суох көтөр аппарааттарын суулларыыга. “Акцияны «Биир ньыгыл Россия» баартыйа регионнааҕы салаата тэрийэр. Бу олус туһалаах уонна көдьүүстээх дьаһал. Маннык сэп-сэбиргэл наадатын туһунан СВО кыттыылаахтара бэйэлэрэ эппиттэрэ. Дрону суулларарга олус табыгастааҕын быһаарбыттара. Байыастар эппиттэринэн, биир саа уон олоҕу быыһыыр кыахтаах. Саха сирин олохтоохторо биир дойдулаахтарын өйүүллэригэр эрэллээхпин”, — диэтэ Альберт Семенов.
Гладкоствольнай саалаах дьон бэс ыйын 24 — от ыйын 7 күннэригэр Дьокуускайга, Дзержинскай уулуссатын, 35/1 дьиэтигэр, 14:00 — 17:00 чааска кэлэн туттарыаххытын сөп.
Бэйэҕитин кытта сааны илдьэ сылдьар, харайар быраапкыт туһунан докумуоҥҥутун, пааспаргытын, сааҕытын илдьэ кэлэҕит. Саа хайаан да чехоллаах буолуохтаах.
