29 Кулун тутар 29.03
  • -14°
  • $ 92,26
  • 99,71

Айсен Николаев Владимир Путины 2024 сылга Саха сиригэр ыҥырда

11:33, 30 мая 2023
Текст:
Читайте нас на
Яндекс Новости
ЯДВ

Ил Дархан Россия президиэнин кытта көрсүһүүтүгэр региоҥҥа бырамыысыланнас сайдыытын уонна бөдөҥ инвестиционнай бырайыактар тустарынан кэпсээтэ. Айсен Николаев Владимир Путины үүнэр сылга Саха сиригэр тус бэйэтэ кэлэн, өрөспүүбүлүкэ олоҕун уларыйыытын көрөрүгэр ыҥырда.

Биир кэскиллээх бырамыысыланнаска бырайыагынан Саха сиригэр, Айсен Николаев бэлиэтээбитинэн, Нерюнгри оройуонугар Эльгатааҕы чох хостуур комплекс буолар. Хампаанньа ааспыт сылга 39 мөл туонна чоҕу хостообут.

««Эльгауголь» билигин бэйэтин чааһынай чуумпу акыйааннааҕы тимир суолун тутар, сир баайдаах сиртэн саҕалаан Хабаровскай кыраайынан эргийэн. Маны сэргэ 30 мөл туоннаҕа сөптөөх порт тутуллар. 530 килэмиэтирдээх суол толору чааһынай үпкэ тутуллар. Бу чоҕу тиэйиигэ-таһыыга анаан оҥоһуллар, чоххо наадыйыы элбэҕинэн. Уонтан тахса фабрика тутуллар, икки бэлэм. Аэродром тутуллар. Владимир Владимирович, бу саамай бөдөҥ бырамыысыланнас тутуута дойдуга буолар. Мин эйигин тус бэйэм уонна Саха сирин олохтоохторун, «Эльгауголь» ааттарыттан [кэлэргэр] ыҥырабын кэлэр сылга, барыта бэлэм буолан үлэлии турдаҕына, аэродромнаах, улахан сөмөлүөттэри түһэрэр кыахтаах,  Ту-204, холобура. Биһиэхэ хас ый аайы онно саҥа эбийиэги арыйыы буолар», — диэтэ Айсен Николаев.

Биир бөдөҥ инвестиционнай бырайыагынан өрөспүүбүлүкэ баһылыга «Мир — Глубокий» руднигы ааттаата, үлэтин бу сылга АЛРОСА-ны кытта саҕалаабыт: «Бырамыысыланнас таһымыгар бастакы хостооһуну 2030-2031 сылларга былаанныыбыт. Бу Мииринэй куорат сайдыытыгар уонна «АЛРОСА» хампаанньа өссө 50 сыл үлэлииригэр уонна үрдүк хаачыстыбалаах алмааһы хостооһуҥҥа кыах биэрэр».

Сиһилии https://ysia.ru/ajsen-nikolaev-priglasil-vladimira-putina-priehat-v-yakutiyu-v-2024-godu/

Следите за самым важным и интересным в Telegram-канале и WhatsApp-группе ЯСИА