Ахсынньы 28 күнүттэн «Госуслуги» порталга биир кэлим босуобуйаҕа сайабылыанньа тутуута саҕаланар. Төлөбүрү 12 нэдиэлэлэригэр дылы учуокка турбут хат дьахталлар, 17-гэр диэри саастаах төрөппүттэр ылаллар.
2023 сыл тохсунньу 1 күнүттэн Россияҕа биир кэлим ыйдааҕы босуобуйа оҕо төрөөһүнүнэн эбэтэр иитиигэ ылыынан бэриллэр. Кээмэйэ ыал дохуотуттан тутулуктаах — региоҥҥа оҕо тиийинэн олоруутун 50%, 75% эбэтэр 100% буолар.
Тохсунньу иккис аҥарыттан харчы түһэн барар.
Биир сайабылыанньаҕа оҕоҕун ахсыыларынан суруйаҕын, олорор аадырыскын чуолкайдыыгын. Бигэргэтэр докумуоннары тус бэйэҥ туттараҕын, сайабылыанньаҥ регистрацияламмытын кэннэ 10 хонук иһигэр.
Электроннайдык сайабылыанньаҕын биэрдэххинэ, Госуслуги порталга туох-ханнык докумуон ирдэнэрин ыытыахтара.
Сайабылыанньаҕа сыыһалар баар буоллахтарына — көннөрүүгэ докумуон төннүбүт күнүттэн 5 хонук бэриллэр. Сайабылыанньа тустаах оргаттарынан 35 хонукка диэри көрүллэр.
Соцкөмүскэл отделениеларыгар уонна МФЦ-га сайабылыанньалары тус бэйэҥ туттарар буоллаххына — тохсунньу 9 күнүгэр диэри тириэрдиллэр.
Сиһилии https://ysia.ru/s-28-dekabrya-startuet-priem-zayavlenij-na-edinoe-posobie/
