13 Бэс ыйа 13.06
  • 11°
  • $ 89,02
  • 95,74

Эдэр ыалларга бырыһыана суох ипотеканы биэриэхтэрин сөп

15:16, 14 ноября 2023
Читайте нас на
Яндекс Новости
ЯДВ

Элбэх оҕолоох эдэр ыаллар дьиэ ылалларыгар бырыһыана суох кирэдьиити биэриэхтэрин сөп. «Известия» суруйарынан, сэтинньи 14 күнүгэр сокуон барылын Госдуумаҕа киллэрдилэр.

Эдэр ыаллар харчынан мунньунуулара суох эрээри, үлэлиир-хамсыыр буолан, дохуоттаахтар, кирэдьиити төлүүр кыахтаахтар. Ол эрээри, элбэх иитимньилээх буолан,  туораттан көмөтө суох, улахан бырыһыаннаах ипотеканы ылаллара ыарахан.

Сокуон барылын «Сиэрдээх Арассыыйа» баартыйа дьокутааттара оҥорон киллэрдилэр. Ол чэрчитинэн, эдэр ыаллар сокуоннай саастарын туола илик 3-тэн элбэх оҕолоох, иккиэн, эбэтэр, төрөппүттэртэн биирдэстэрэ 35 сааһын туола илик буолуохтаах. Дьиэ атыылаһалларыгар, эбэтэр, тутталларыгар анаан, 25 сылга диэри болдьохтоох кирэдьиити биэриэхтэрин сөп.

— Статистиканы көрүҥ — 2022 сылга дойду нэһилиэнньэтин ахсаана 600 тыһыынча киһинэн көҕүрээтэ. 2021 сылга мөлүйүөнтэн тахса киһини сүтэрбиппит. Сыл аайы биирдии улахан куорат сүтэн иһэр курдук.  Бу олус кутталлаах балаһыанньа. Онон демография боппуруостарын эдэрдэр уонна элбэх оҕолоох ыаллар көмөлөрүнэн быһаарыахха сөп, — диэн баартыйа баһылыга Сергей Миронов этэр.

Манна даҕатан эттэххэ, сотрутааҕыта Федерация Сэбиэтини бэрэссэдээтэлэ Валентина Матвиенко элбэх оҕолоох ыаллары НДФЛ дохуотуттан босхолуурга диэн этии киллэрбитэ.

Бу сокуон барылын Госдуума ылыннаҕына эрэ, күүһүгэр киирэр.

Ангелина Васильева, Саха сирэ

Следите за самым важным и интересным в Telegram-канале и WhatsApp-группе ЯСИА