Россия президиэнэ Владимир Путин 2024 сылы дьиэ кэргэн сылынан биллэрбитэ — кэмигэр уопсастыбаҕа саамай сүрүн быһаарыы буолар уонна дьиэ кэргэн института бөҕөргүүрүгэр хайысхаланар. Ол туһунан Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ Алёна Атласова эттэ, диэн суруйда ЯСИА.
«Билигин, бары сайдыылаах дойдуга, төрөөһүн ахсаана кыччыыр, арахсыы элбиир, саахсаланан олоруу аҕыйыыр. Оттон дьиэ кэргэн диэн – бу ханнык баҕарар судаарыстыба төрүтэ, инники кэскилэ. Бэлиэтээн этиэххэ наада, билигин РФ президиэнин сорудаҕынан Судаарыстыбаннай дуума «Об основах правового положения многодетных семей в Российской Федерации» сокуон барылын көрөр. Манна дойду элбэх оҕолоох ыалларыгар судаарыстыбаннай миэрэ ылыыга биир кэлим усулуобуйатын быһаарыаҕа», — диэтэ Атласова.
Кини Саха сиригэр дьиэ кэргэттэри өйүүргэ сөптөөх сокуоннар баалларын эттэ. 2019 сыллаахха ылыллыбыт өрөспүүбүлүкэтээҕи «О статусе многодетной семьи» сокуон туһунан санатта. Оҕолоох дьиэ кэргэттэри өйүүргэ эбии миэрэлэргэ тохтоото. Бу — «Дьиэ кэргэн» ийэ хапытаала, иккис оҕо төрөөтөҕүнэ эбэтэр иитэ ыллахха көрүллэр ийэ хапытаала, «Үйэ оҕолоро» сыаллаах хапытаал, босхо сир учаастагын биэрии, култуура уонна спорт тэрилтэлэрин чэпчэтиилээх төлөбүрдээх оҕолору сырытыннарыы.
Сиһилии: https://ysia.ru/alyona-atlasova-god-semi-budet-sposobstvovat-rasshireniyu-mer-podderzhki-semej/
