29 Кулун тутар 29.03
  • -10°
  • $ 92,26
  • 99,71

Афанасий Максимовы суут саалатыттан тутан бардылар

17:00, 29 марта 2016
Читайте нас на
Яндекс Новости
ЯДВ

Бүгүн, кулун тутар 29 күнүгэр, СӨ Үрдүкү суутун апелляционнай инстанцията Афанасий Максимов, Игорь Пахомов уонна Игорь Чикачев холуобунай дьыалаларыгар бириигэбэр таһаарда.


Үрдүкү суут бэрэссэдээтэлин сонуннары киэҥник тарҕатар ситимнэри уонна уопсастыбаннаһы кытта үлэҕэ көмөлөһөөччүтэ Радмила Сюн-Цин-Фан иһитиннэрбитинэн, апелляционнай инстанция Дьокуускай куорат федеральнай суутун 2014 сыл алтынньы 7 күнүнээҕи бириигэбэрин көтүрэргэ уурда:

Игорь Чикачевы РФ Холуобунай кодексатын 199.2 ыстатыйатынан быыһыырга уонна ити чааһынан реабилитацияланар быраабы биэрэргэ. Онтон 201-с ыст. 2-с чааһынан буруйдааҕынан билинэн, 2 сылга көҥүлүн быһарга, ол эрэн, накаастабыл болдьоҕо ааспытынан, ити ыстатыйанан босхолуурга.

Игорь Пахомовы 159-с ыст. 4-с чааһынан, ол эбэтэр, түөкүннээһиҥҥэ буруйдааҕынан билинэргэ итиэннэ 2 сыл 10 ыйга көҥүлүн быһарга, 600 тыһ.солк. суумалаах ыстараап төлүүргэ. Пахомов ити накаастабыл болдьоҕун толору олорбутунан, боруостааһынтан босхолуурга.

Афанасий Максимовы 199.2 ыстатыйатынан буруй састааба суоҕунан быыһыырга уонна ити чааһынан реабилитацияланар быраабы биэрэргэ. Оттон 159-с ыст. 4-с чааһынан буруйдааҕынан билинэргэ итиэннэ 3 сыл 2 ыйга көҥүлүн быһарга, 800 тыһ.солк. суумалаах ыстараап төлүүргэ. Хаарчахтыыр миэрэтин дьиэтээҕи хаайыыны уларытан, суут саалатыгар тутан, уопсай режимнээх холуонньаҕа буруйун боруостууругар.

Эмсэҕэлээбит өрүтүнэн – гражданскай ирдэһээччинэн “ЯТЭК” хампаанньаны билинэргэ.
Бу апелляционнай бириигэбэри ааһыныахтарын сөп.

Следите за самым важным и интересным в Telegram-канале и WhatsApp-группе ЯСИА