13 От ыйа 13.07
  • 18°
  • $ 87,74
  • 95,76

Аҥаардас аҕалар оҕолорун иитиилэригэр кыһалҕалара элбэх

15:28, 28 февраля 2020
Текст:
Читайте нас на
Яндекс Новости
ЯДВ

Аҥаардас аҕалар кыһалҕаларыгар Дьокуускай куорат социальнай көмүскэлгэ управлениета уонна үөрэх управлениета сэминээр-көрсүһүү тэрийэн ыыттылар.


Көрсүһүүгэ оҕолору уһуйааннарга, оскуолаларга киллэрии, сайыҥҥы чэбдигирдэр лааҕырдарга сырытыннарыы боппуруостарын көрдүлэр. Аҥаардас аҕалар оҕону иитиигэ кыһалҕалара элбэх. Манна былаас уорганнара хайдах быһыылаахтык көмөлөһүөхтэрин сөбүй?

Баар кыһалҕаны билинэн, былаан ылынан, бииргэ үлэлээтэхтэринэ эрэ, кыаллыан сөп. Маны тэҥэ, аҕалар бэйэлэрэ эмиэ бүгэн хаалбакка, түмсэллэрэ, көхтөөх буолаллара, биир тылы булаллара ирдэнэр.

Тэрээһиҥҥэ социальнай көмүскэл управлениетын салайааччы Семен Матвеев, үөрэх управлениетын начаалынньыга Алексей Семенов, “Аҥаардас аҕалар”, “Дьокуускай аҕаларын сэбиэттэрэ” түмсүүлэр чилиэннэрэ кытыннылар, элбэх боппуруоһу дьүүллэстилэр. Өскөтүн, ким эмэ аҥаардас аҕалар кыһалҕаларынан боппуруостаах буоллаҕына, Ленин проспегын 4/1 N-гэр, 206 кэбиниэккэ баран билсиҥ. Төлөпүөннэрэ: 31-95-10.

Ангелина Васильева, “Саха сирэ” хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА