17 От ыйа 17.07
  • 19°
  • $ 88,28
  • 96,26

Ыты босхо ыытыы иһин ыстараап олохтонно

Читайте нас на
Яндекс Новости
ЯДВ

Муус устар 28 күнүгэр  Ил Түмэн ХХХVII уочараттаах пленарнай мунньаҕар административнай быраабы  кэһии кодексыгар уларытыылары киллэрии туһунан быһаарыныы ылыннылар. Дьиэ кыылын иитиигэ быраабыланы кэһиигэ ыстараап олохтонуоҕа. 

Өрөспүүбүлүкэҕэ дьиэ кыылын иитиигэ эппиэтинэс улаатан биэрдэ. Дьиэ кыылын сатаан көрбөт, холобур, ыттарын бэйдиэ ыытар дьоҥҥо ыстарааптар олохтонуохтара. Ыстараабы олохтуур, боротокуоллары оҥоруунан СӨ Бэтэринээрийэҕэ департаменын иниспиэктэрдэрэ дьарыктаныахтара.

Кыылы иитэр хаһаайыттарга эппиэтинэс улаатыаҕа.  Холобур, ыттаах хаһаайын ытын босхо ыыппытын иһин ыстарааптаныаҕа. Ону сэргэ, ытын анал анаммыт эрэ сиргэ күүлэйдэтэр буолуоҕа. Бэлиэтээн эттэххэ, ыстараап суумата 1000-1500 солкуобайга тэҥнэһиэҕэ. Өскөтүн, хаһаайын иккистээн эппиэтинэскэ тардыллар буоллаҕына, бу суума 3000-5000 солкуобай буолуоҕа.

Петр Петров, СӨ бэтэринээриийэ департаменын салайааччыта:

— Ыстарааптыыр эбээһинэс биһиги департамеммыт иһинэн оҥоһуллар. Хаһаайыннаах ыт бэйдиэ сылдьарын көрбүт дьон хаһаайынын быһаарар туһуттан учаскуобайга сибээскэ тахсаллар. Онтон бу матырыйаал биһиэхэ кэлэр. Оччотугар үлэһиттэрбит, судаарыстыбаннай иниспиэктэрдэр рейдэҕэ сылдьан дакаастыыр матырыйаал көрдүүллэр. Хас биирдии киһи иитэр кыылыгар эппиэтинэһи сүгүөхтээх. Кини иитэр дьиэ кыылыттан дьон-сэргэ эмсэҕэлиэ суохтаах.

Хаартыска интернеттэн.

Ааптар: Ульяна Захарова, edersaas.ru

Следите за самым важным и интересным в Telegram-канале и WhatsApp-группе ЯСИА