30 Кулун тутар 30.03
  • -15°
  • $ 92,37
  • 99,53

Витим аннынан муус хамсаата

10:24, 04 мая 2017
Текст:
Читайте нас на
Яндекс Новости
ЯДВ

Өлүөнэ мууһа Витим аннынан хамсаан, уу таһыма 118 см тиийдэ. Бу туһунан Уу ресурсаларын федеральнай агентствотын Өлүөнэ сүнньүнээҕи ууга управлениетын пресс-сулууспата иһитиннэрдэ.


Пеледуйга уу таһыма сууккаҕа 79 см үрдээн, 268 см тиийдэ. Өрүс кытыытынан уу таҕыста. Ленскэй аннынан уу 15 см үрдээн, билигин 86 см тэҥнэстэ. Бу хайысханан кутталлаах таһым 1760 см. Нүүйэ өрүс мууһа бытааннык устар. Оттон Пеледуй өрүскэ уу таһыма 79 см эбиллэн, ыам ыйын 4 күнүн сарсыарда 9 чаастааҕы чахчыларынан, 268 см тиийдэ (кутталлаах таһым 1200 см). Өрүс устатын тухары уу кыралаан эбиллэр.

Өлүөнэ мууһа Өлүөхүмэҕэ ыам ыйын 7, Покровскайга – 11, оттон Дьокуускай куорат аннынан 12 күннэригэр ааһыаҕын Гидрометеосулууспа үлэһиттэрэ билгэлииллэр.

Өрөспүүбүлүкэ өрүстэригэр муус барыытын кэмигэр куттал суоһаабатын туһугар бэлэмнэнии үлэ былааннаахтык ыытыллар. Ол да буоллар, айанньыттар, булчуттар сэрэхтээх буолаллара ирдэнэр.

www.edersaas.ru

Следите за самым важным и интересным в Telegram-канале и WhatsApp-группе ЯСИА