Уус Алдан улууһун салалтата Амур уобалаһыгар сүөһү—сылгы кыстыыр отун үөрэтэ сылдьар. Үс күн иһигэр бөлөх Амур уобалаһын биэс оройуонугар 12 хаһаайыстыбаны кытары көрүстэ. Билиҥҥитэ 7370 туонна от ыларга сөбүлэҥ түһэрилиннэ диэн, СИА улуус дьаһалтатын пресс-сулууспатыгар https://www.instagram.com/p/CR54ll9BKffHARtBh-Sxk45fQpQP0VmPclOfH00/ сигэнэн суруйар.
Бу күннэргэ бөлөх өссө түөрт оройуоҥҥа сылдьан аҕыс хаһаайыстыбаны кытары көрсөр былааннаах. Кэпсэтии түмүгүнэн биир туонна от 5-6 тыһ солкуобай сыаналанна. Өрөспүүбүлүкэ бырабыыталыстыбата оту тиэйиигэ болҕомтотун уурар.
Улууска барыта 16,5 тыһ туонна окко 977 сайаапка киирэн сытар.
От ыйын 28 күнүгэр улуус ходуһаларыгар 1309 киһи, 760 тиэхиникэ үлэлии сылдьар. 6 627 га сир охсулунна, 3 184,5 туонна от кэбиһилиннэ. Мобильнай биригээдэлэр 414 туонна оту бэлэмнээтилэр.
