Уус Алдан Тумулугар оскуола-саад тутуута бу саас саҕаланыаҕа. Бырабыыталыстыба отчуотун кэмигэр эппиттэринэн, эбийиэк оскуолата 90, оттон дьыссаата 40 миэстэлэрдээх буолар, ЯкутияDaily сайт суруйар.
Тумул оскуола-саадын тутуутугар өрөспүүбүлүкэ бюджетыттан 50 мөл солк көрүллэр. Сыбаайатын сыл бүтүөр диэри түмүктүөхтээхтэр.
Регион бырабыыталыстыбатын бэрэссэдээтэлин солбуйааччыта Сергей Местников эппитинэн, оскуола кэнниттэн аны хочуолунай тутуллуоҕа. Оччоҕуна киин ититиигэ чааһынай дьиэлэр холбонуохтара.
