29 Бэс ыйа 29.06
  • -7°
  • $ 104,68
  • 115,6

Уус Алдаҥҥа зондировщик-сөмөлүөт искусственнай ардаҕы ыҥыра көтүөҕэ

Ыам ыйын 27 күнүгэр сарсыарда өрөспүүбүлүкэ сиригэр-уотугар умайа турар ойуур баһаар суох. Бу туһунан баһаартан сэрэхтээх буолууга уонна ойууру харыстааһыҥҥа оперативнай штаб брифингэтигэр өрөспүүбүлүкэ нэһилиэнньэтин олоҕор- дьаһаҕар куттал суох буолуутун судаарыстыбаннай кэмитиэтин бэрэссэдээтэлин солбуйааччы Яна Наумова иһитиннэрдэ, — диэн СИА кэпсиир.

«Билигин өрөспүүбүлүкэ сиригэр-уотугар умайа турар ойуур баһаара суох. Суукка иһигэр Бүлүү, Кэбээйи, Таатта, Чурапчы улуустарыгар сөмөлүөтүнэн көтө сылдьан кэтээн көрдүлэр.

Быйыл баһаар сезона саҕаланыаҕыттан барыта 15 ойуур баһаара бэлиэтэммит — Амма оройуонугар — 4, Чурапчыга — 3, Мииринэйгэ — 2, Намҥа — 2, Ленскэйгэ-1, Мэҥэ- Хаҥаласка — 1, Уус- Маайаҕа-1 уонна Дьокуускайга — 1.

Күннэтэ сөмөлүөтүнэн көтө сылдьан кэтээн көрөллөр.Ыам ыйын 27 күнүгэр баһаар куттала суох буолуутун аҕыйатар сыаллаах Уус-Алдан улууһугар зондировщик көтүүтэ былааннанна»,-диэн иһитиннэрдэ Яна Наумова.

Следите за самым важным и интересным в Telegram-канале и WhatsApp-группе ЯСИА
0
0